1-vaziyat «Subordinatsiya»

7-Mavzu Personalni boshqarishda yetakchilik
TOPSHIRIQ

1-vaziyat
«Subordinatsiya»
Sizdan yuqori rahbar, sizni chetlab o’tgan holda shaxsan direktordan olgan topshirig’ingizni bajarayotgan xodimingizga tez bajarilishi lozim bo’lgan topshiriq berdi. Sizdan yuqori rahbar buni birinchi marta qilayotgani yo’q va siz uning direktor bilan munosabatlari yaxshi emasligini bilasiz. Har ikkala vazifa ham tez bajarilishi lozim.
Eng maqbul qarorni tanlang. Uni asoslang.
1.Xizmatchingizga yuqori rahbar topshirig’idan noroziligingizni ayting va uni direktorning topshirig’ini bajarishga majburlang.
2.Ish foydasi uchun vazifalarni bajarishga boshqa xodimingizni qo’shing.
3.Vaziyat haqida direktorga xizmat xatini yozing va korxonada buyruq tartibi to’g’risida buyruq e’lon qilishni iltimos qiling.
4.Yuqori rahbarga murojaat qilib xodimlaringizga faqat siz orqali topshiriq berish va hozirgi topshirig’ini bajarishni kechiktirishni so’rang.
5.Boshqa qaror.

2-vaziyat

«Avariya»

Siz sex boshlig’isiz. Ikkinchi smenada yordamchi ishchilardan biri Petr mast holda qimmatbaho uskunani buzib qo’ydi. Boshqa ishchi Sergey master topshirig’iga muvofiq uni tuzatmoqchi bo’ldi va jarohat oldi. Ertalab Nikolay ismli yosh master (korxonada ikkinchi yil ishlashi) Petr va Sergey aroq ichayotganligini ko’rdi va ularga tanbeh berdi. Lekin ular unga quloq solmadilar va Petrni tug’ilgan kuni ekanligini sabab qilib ko’rsatdilar.
Uskuna ishlamayotganligi va uni ta’mirlash uchun uchastka har smenada 20 ming zarar ko’rdi. Petrda bu holat yil davomida uchinchi marta tartibbuzarlik edi. Sergey tartib buzilishiga yo’l qo’ymagan va yaxshi ishchi hisoblanardi.
Bu vaziyatda nima qilasiz? O’z fikringizni asoslang.
1.Sabablarni ko’rsatmagan holda korxona personal bo’yicha direktoriga Petrni ishdan bo’shatish, Sergeyga xayfsan e’lon qilish, Nikolayni jarimaga tortish to’g’risida bildirishnoma yozasiz.
2.Nikolaydan tushuntirish xati talab qilasiz va uni jazolashni so’raysiz, chunki u sexda intizom va xavfsizlik uchun javobgar.
3.Ularning har uchchalasini tarbiyaviy suhbatga chaqirasiz, chunki bu sexdagi birinchi holat emas va siz direktor tomonidan jazoni kutib turibsiz.
4.Ularning har uchchalasidan tushuntirish xatini talab qilasiz va yuridik maslahatchi bilan maslahatlashgan holda zavod kadrlar xizmatiga xat tayyorlaysiz.
5.O’z variantingizni taklif qiling.