1-Variant “Fuqarolik jamiyati tushunchasining tarixiy ildizlari va ularning turli tavsiflari”

3. O‘zbekiston Respublikasining “Ijtimoiy sheriklik to‘g‘risida”gi Qonuni (2014 yil 28 dekabr) mazmunini o’rganib, tushunchangizni yozing.
O‘zbekiston Respublikasi Prezidenti Islom Karimov 2014-yil 25-sentabr kuni “Ijtimoiy sheriklik to‘g‘risida”gi Qonunni imzoladi. O’zbekiston Respublikasining “Ijtimoiy sheriklik to’g’risida”gi qonuni Qonunchilik palatasi tomonidan 2014-yil 18-iyunda qabul qilingan. Senat tomonidan 2014-yil 28-avgustda ma’qullangan.

Ushbu Qonunning maqsadi ijtimoiy sheriklik sohasidagi munosabatlarni tartibga solishdan iboratdir.

Hujjatga muvofiq, davlat organlarining nodavlat notijorat tashkilotlari va fuqarolik jamiyatining boshqa institutlari bilan mamlakat ijtimoiy-iqtisodiy taraqqiyoti bo‘yicha dasturlarni ishlab chiqish va amalga oshirishdagi hamkorligi ijtimoiy sheriklik hisoblanadi.

Qonunda ish bilan ta’minlash, bandlikka ko‘maklashish, kichik biznes va xususiy tadbirkorlikni yanada rivojlantirish, atrof-muhit va aholi salomatligini asrash, shu orqali onalik va bolalikni, ayollar huquqlarini himoya qilish, aholini ijtimoiy qo‘llab-quvvatlash va ijtmoiy faolligini oshirish kabi muhim masalalar huquqiy jihatdan tartibga solingan.

Ushbu qonun 2015-yil 1-yanvardan kuchga kiradi.

“Ijtimoiy sheriklik to‘g‘risida”gi Qonun 5-bob 30-moddadan iborat. 1-bobda umumiy qoidalar keltirilgan, 2-bobda ijtimoiy sheriklikning asosiy shakllari va ularni amalga oshirish tartibi, 3-bobda ijtimoiy sheriklikni davlat tomonidan qo‘llab-quvvatlash, 4-bobda ijtimoiy sheriklik subyektlarining huquq va majburiyatlari, 5-bobda yakunlovchi qoidalar keltirilgan.

“Ushbu Qonunning maqsadi ijtimoiy sheriklik sohasidagi munosabatlarni tartibga solishdan iborat.”

“Ijtimoiy sheriklik to’g’risida”gi qonun 1-modda.

Ijtimoiy sheriklikning asosiy prinsiplari quyidagilardan iborat:

• 
  qonunga bo‘ysunish;
  
• 
  teng huquqlilik;
  
• 
  ochiqlik va shaffoflik;
  
• 
  hammaboplik;
  
• 
  mustaqillik;
  
• 
  xolislik;
  
• 
  o‘zaro hurmat, manfaatlarning inobatga olinishi va mas’uliyat;
  
• 
  majburiyatlar qabul qilishning ixtiyoriyligi.
  

“Ijtimoiy sheriklik to’g’risida”gi qonun 4-modda.