1-tema. Marketingtiń social-ekonomikalıq tiykarları

Tovar miksi tovar siyasatın payda etedi, tovar menen baylanıslı bolǵan ilajlardı óz ishine aladı. Bul ilajlar: dizayn, onıń bezetiliwi, ónim sapası, oramı, qarıyidarlarǵa xızmet kórsetiw, kepillik xızmeti siyasatı, tovar diversifikaciyası, assortiment siyasatı hám t.b.
Shártnama siyasatı tovardı aldı-sattı aktı shártleri kelisiwin hám pitim kórinisinde olardı rásmiylestiriwdi ámelge asıradı. Bunday ilajlarǵa: baha siyasatı, ústeme hám shegirme sisteması, tovar jetkerip beriw hám onı tólew shártleri, sonday-aq kredit siyasatı kiredi.
Bólistiriw siyasatı tovardıń islep shıǵarıw ornınan tutınıwshıǵa jetkerip beriwdi ámelge asıradı. Bul siyasat satıw kanalın tiykarlaw hám analizlew, marketing-logistika, sawda siyasatı, satıw quralları siyasatı, óndiris kúshlerin jaylastırıw siyasatı, tutınıwshılar hám bazarlardıń jaylasıw siyasatı, jetkerip beriw siyasatı, tayar ónimlerdi skladlarǵa jaylastırıw siyasatı hám basqalardı óz ishinge aladı.
Kommunikativ siyasatınıń wazıypası qarıydar zárúligin qanaatlandırıw hám payda alıw maqsetinde talaptı qáliplestiriw hám tovar hámde xızmetti jıljıtıw boyınsha alternativ hám nátiyjeli xızmetin támiyinlew ushın marketing sistemasınıń barlıq obektlerin kárxana-ónim tayarlawshılar menen óz-ara hareketin shólkemlestiriwden ibarat.
Qadaǵalaw ushın sorawlar.
1. Marketing degende neni túsinesiz?
2. Marketingtiń tiykarǵı rawajlanıw basqıshları qanday?
3. Mútájlilik ne?
4. Zárúrlik degende neni túsinesiz?
5. Bazar elementlerine neler kiredi?
6. Marketing teoriyasınıń koncepciyası hám onıń evolyuciyası qanday?
7. Marketing-miks túsinigi mazmunın aytıp beriń.