1-tema. Biznesti so’lkemlestiriw

Fermerchiliktegi biznes-ideyalar
Palshılıq
Palshılıq fermerlik iskerliginiń eń paydalı túrlerinen biri esaplanadı, biraq bul úlken juwapkershilik hám ámeldegi xaterlerdi esapqa alıwdı talap etedi. Bul iskerlik kópshilik ushın ózine tartatuǵın, biraq palshıliqta bilim hám tájiriybeniń kemligi onı toqtatadı. Tiykarınan, palshılıq júdá qıyın emes, lekin málim kónlikpeler talap etiledi.
Pal jıynaw máwsimi 5 ay dawam etedi. Daslep, 6−8 palshılıq koloniyalarini satıp alıw usınıs etiledi. Qolay sharayatlarda investitsiya etilgen aqshalar birinshi jazǵı máwsim ushın qaytarılıwı múmkin.
Gósh ushın qaramal jetistiriw
Úy sharayatında qaramal hám qoy sıyaqlı haywanlardı bagıw hám kóbeytiw — bul tekǵana biznes, bálki óz shańaraqńızdı gósh penen támiyinlew múmkinshiligi bolıp tabıladı. Qarjını qaplaw ushın qaldıq ónimlerdi satıw múmkin. Bul haywanlardı bagıw onsha qıyın hám qımbatqa tuspeydi hám tiyisli kútim menen ol úlken dáramat keltiriwi múmkin.
Baslaw ushın sizge azǵantay qargı kerek boladı, lekin siz ósiw processinde (awqatlanıw, baǵıw) azmaz háreket etiwińiz kerek boladı. Gósh ónimlerin satıw keń sawda bazarına iye, sebebi búgingi kúnde awıl xojalıǵı góshi júdá qadrlenedı.
Qusshılıq
Qusshılıq mudamı paydalı bolǵan. Qustı jetistiriw kóp waqıt hám pulni talap etpeydi. Bul parametr ájayıp shańaraqqa tiyisli biznes bolıwı múmkin.
Tawıqlardı kóbeytiw úyrek hám ǵazlarǵa qaraǵanda ańsatlaw. Sebebi olar bólek suw bazası, jaylaw hám arnawlı azıq talap etpeydi. Tawıqlardı bagıwda hár qıylı násillerdi jetistiriw múmkin, sonday-aq gósh hám máyekti de jetkezip beredi
.
Palız eginleri hám kók shóp jetistiriw
Bul túrdegi ónimlerdi jetistiriw ashıq jer maydanında ámelge asıriladı. Eger ıssıxana qurılsa, pútkil jıl dawamında payda alıw múmkin. Ásirese qısqı máwsimde bul ónimler bahası qımbatlaw boladı.
Kók shóp sawdası palız eginlerilerge qaraǵanda qolaylılaw bolıp tabıladı, sebebi ol kemirek kúsh hám aqsha talap etedi hám tezirek tayın boladı. Bul biznestiń qolaylılıǵı arzan tuqımlar, kem kúsh sarıplanıwı hám jetistiriw procesiniń ańsatligida bolıp tabıladı.
Gúl jetistiriw
Eger bul túrdegi biznesti máwsimli formada payda etilse, ol jaǵdayda hesh qanday qosımsha aqshalarsiz biymálel islew múmkin. Tiykarǵısı, jaqsı túrlerdi tańlaw hám oqıw jılı baslanıwına shekem tayın bolatuǵın túrlerin ósiriw usınıs etiledi.
Íssıxanada qısqı máwsimdegi bayramlar ushın guller ósiriw múmkin. Mısalı, jańa jıl, 8-mart hám Nawrız bayramlarında gullerge talap úlken boladı hám bunıń artınan úlken dáramat alıw múmkin.