1-tema. Biznesti so’lkemlestiriw

Tómende tek ǵana jaz máwsiminde joqarı talapta bolatuǵın biznes-ideyalar kompleksi menen tanısıwımız múmkin.

Qurılıs salasındaǵı múmkinshilikler
Qurıwshılıq
Shama menen aprelden sentyabr ayları aralıǵı jeke sektorda qurılıslar máwsimi esaplanadı. Gúzde de bul process dawam etedi, biraq ol jaǵdayda tek ǵana ishki remont hám interyer ózgertiw menen bánt boladı.
Bul máwsimde barlıq túrdegi demontaj, qurıw, remontlaw, qurılıs shıǵındıların alıp ketiw jáne bul tarawda isletiletugun ónimlerdi islep shıǵarıw júdá aktual esaplanadı.
Landshaft dizayni
Bul tarawdıń da jaz máwsiminde xalıq ortasında qánigelerge mútajlik sezedi. Landshaft dizayninan tiykarınan óz jeke háwlisine iye ǵárezsiz shaxslar paydalanadı. Jumıs tiykarınan túrli dekorativ ósimlikler plantatsiyasi, ótkeller jaratıw, fontan hám terekler formasın ózgertiw sıyaqlılardı óz ishine aladı.
Usaqlap satıw sawda
Qurılıs buyımları
Bul túrdegi ónimlerge mudamı talap bolǵan, biraq jaz máwsiminde bul kórsetkish aldıngısınan joqarılaw boladı.
Qurılıs buyımları sawdası menen hátte artıqsha investitsiya etpesten biznes baslaw múmkin. Bunda ónim óndiriwshi zavod yamasa fabrika menen uy satıp alıwshı yuridikalıq yamasa fizikalıq shaxslar ushın dáldalshı wazıypasın otew múmkin.
Jumıstıń juwapkershilikli tárepi barlıq óndiriwshi kompaniyalar iskerligin jaqınnan úyrenip, kótere bahalar dizimin dúzip alıw kerek boladı. Bahalar qansha tómen bolsa isbilermen ushın pul islew múmkinshiligi sonsha joqarı boladı.
Shatır soǵıw hám satıw
Shatır (palatka) báhár, jaz, gúzek máwsimlerinde aktiv sayaxat qılıwdı qalewshiler ushın eń kerekli úskene esaplanadı. Búgingi kunge kelip, ishki turizmge kóbirek itibar qaratilıp atırganın esapqa alatuǵın bolsaq, shatırdı tek ǵana sırt elli sayaxatshılarǵa, bálki jergilikli xalıqqa da biymálel satıw múmkin.
Bul biznesti jolǵa qoyıw ushın baslanǵısh investitsiya kiritip alıw talap etiledi. Eger tuwrı jay hám kerekli ónim islep shıǵarılsa biznes máwsimdi birinshi bóleginde paydaǵa shıǵıwı múmkin.