1-tema. Akademiyalıq jazıw. Jazba hám awızeki stil hám onıǹ ózgeshelikleri. Ólshem túsinigi. Til stilleri Jobası

Telefonogramma. Asıǵıs, zárúr hám tezarada rásmiy xabardı jetkeriwdiń taǵı bir qolay usılı telefonogramma bolıp tabıladı. Xat teksti tayarlanǵanan keyin, ádette, ol juwapker shaxs tárepinen qol qoyıladı hám sonnan keyin rásmiy kúshke kiredi. Telefonogrammalar kóbinese keńseler xatkerleri tárepinen telefon arqalı jiberiledi hám qabıl etiled. Telefonogrammada ol jiberilip atırǵan adres, shólkem yamasa shólkemniń atı hám basshısı qabıl etilgen waqıtı hám nomeri, tiykarǵı tekst hám jiberiwshiniń atı hám famılıyası sáwlelengen boladı. Telefonogramma arqalı belgilengen jayǵa asıǵıs xabar teksti jetkiziledi. Bunday tekst bir nusqada tayarlanadı, basshı yamasa juwapker shaxs tárepinen tastıyıqlanǵannan soǹ, tiyisli jayǵa telefon arqalı jetkiziledi. Telefonǵa shaqırılǵan shaxs telefonogramma beriliwi haqqında xabarlandırıw, ol qabıllawǵa tayın bolǵan soǹ qabıl etiwshi ulgeretuǵın waqıtta jetkeriwshi tárepinen jazdırılıwı kerek.
Teksttiń tuwrı qabıl etilgenligine isenim payda etiw ushın qabıl etiwshi tekstti jetkiziwshige qayta oqıp esittiriwi shárt. Qabıl etiwshi telefonogrammanıǹ beriliw waqtı hám sánesi, jetkeriwshiniǹ atı, famılıyası, lawazımın jazıp aladı, jetkeriwshi de qabıl etiwshi haqqında sonday maǵlıwmatlardı jazıp qoyıwı kerek.
Soraw hám tapsırmalar:

1. 
   Rasmiy stil degende neni túsinesiz?
   
2. 
   Kórkem shıǵarmalardan eski hújjet túrlerine mısallar jazıǹ.
   
3. 
   Qaraqalpaq hújjetshilik tariyxı tuwralı nelerdi bilesiz?
   

4.Til xatdaǵı jazıwlardı ne ushın óshiriw yaki dúzetiw múmkin emes?
5. Kúndelikli isleytuǵın jumılarıǹız boyınsha esabat mazmunındaǵı kishi tekst jazıp úyreniǹ.
6. Xızmet xatları qanday maqsetlerde jazıladı?
Ádebiyatlar
1. Бекбергенов А. Қарақалпақ тилиниӊ стилистикасы. Нөкис “Қарақалпақстан”, 1990.
2.Dáwletova U. Qaraqalpaq tili stilistikası. (lekciya tekst) Nókis, 2008.
3..М.Аминов, А. Мадвалиев, Н.Махкамов, Н Маҳмудов. Иш юритиш (амалий қўлланма). Тошкент, 2017 й . - 440 б.
4.X.S. Muhiddinova, N. A. Abdullayeva. Rasmiy uslubning diplomatik turlari.T; 1997 y.
5.Д.А.Бабахонова. Официальный делoвой стиль современного узбекского литературного языка. АКД, Т.,1987 г.