1. Tekshirish vazifalari, manbalari va ketma-ketligini tekshirish Hisobdor shaxslar bilan hisob-kitoblar auditining dasturi

Mavzu:

TEMIR YO‘L TRANSPORTI KORXONALARIDA HISOBDOR SHAXSLAR BILAN HISOB-KITOB SCHYOTLARINING AUDITI, UNING MAQSADI

Reja:

1. Tekshirish vazifalari, manbalari va ketma-ketligini tekshirish

2. Hisobdor shaxslar bilan hisob-kitoblar auditining dasturi

3. Xizmat safari xarajatlari auditi

 

Tekshirish vazifalari, manbalari va ketma-ketligini tekshirish

Naqd pulsiz hisob-kitob yo‘li bilan amalga oshirib bo‘lmaydigan kichik ma’muriy-xo‘jalik operatsion va xizmat safari xarajatlari uchun kassadan korxona ishchilariga beriladigan pul avanslari hisobdor summalar deb ataladi. Hisobdor shaxslar bilan hisob-kitoblar deyarli barcha turdagi korxonalarda amalga oshiriladi va ular quyidagi maqsadlarga mo‘ljallangan bo‘lishi mumkin:

• ma’muriy boshqaruv uchun kanselyariya buyumlarini olish;
• O‘zbekistan Respublikasi hududi va xorijga xizmat safari xarajatlari;
• korxonaning boshqa kichik hajmdagi xarajatlari uchun ajratilgan mablag‘lar va h.k

Hisobdor shaxslar bilan hisob-kitoblar auditining asosiy vazifalari:

• hisobdor summalar to‘g‘ri va maqsadli ishlatilganini tekshirish;
• xo‘jalik yuritish nuqtayi nazaridan qonunga xilof va maqsadga muvofiq bo‘lmagan xarajatlarni aniqlash;
• xizmat safarlari bilan bog‘liq;
• xarajatlarni qoplash bo‘yicha belgilangan tartibga rioya qilinishini tekshirish.

Hisobdor shaxslar bilan hisob-kitoblar auditining dasturi

Xodimlarga berilgan avanslar bo‘yicha hisob-kitoblarni tekshirish boshqa bo‘limlar kabi ichki nazorat tizimini tekshirishdan boshlanishi kerak.Bu jarayon auditor tomonidan quyidagicha amalga oshiriladi:

• xodimlarga berilgan avanslar hisob-kitobini nazorat qilish uchun mo‘ljallangan qanday tur ichki nazorat tizimlari shakllantirilganini o‘rganish.

O‘tkazilgan test sinovlari natijalarini o‘rganib auditor hisobning ushbu bo‘limi bo‘yicha auditorlik tekshiruvi dasturini tayyorlaydi