1. Тавсифлар Пул ҳаракати тўғрисидаги ҳисобот

Фавқулотдаги моддалар билан боғлиқ бўлган пул оқимларининг ҳаракати
Фавқулотда моддалар билан боғлиқ бўлган пул оқимлари, моддаларнинг тавсифига кўра операцион, инвестиция ва молиявий фаолиятдан вужудга келадиган пул оқимлари сифатида тавсифланади. Фавқулотдаги моддаларни тушунтириш ва уларни ҳозирги ва келажакдаги пул оқимлари ҳаракатига таъсирини аниқлаш учун, фавқулотдаги моддалар билан боғлиқ пул оқимлар «Пул оқимлари тўғрисидаги ҳисоботда» операцион, инвестиция ва молиявий фаолиятлар бўлимларида алоҳида кўрсатилади.
Фоизлар ва дивидендларни тўлаш ва олиш билан боғлиқ пул оқимлари
Фоизлар ва дивидендлар тўлаш ва олиш билан боғлиқ бўлган пул маблағларининг ҳаракати алоҳида ёритилади. Улар субъектнинг хўжалик фаолияти турига бир ҳисобот давридан кейингисига бир маромда операцион, инвестиция еки молиявий фаолият каби таснифланади. Ҳисобот даври давомида тўланадиган фоизларнинг умумий суммаси уларни харажат сифатида молиявий натижалар тўғрисидаги ҳисоботда тан олиниши ёки олинмаслигига қарамасдан пул оқимлари тўғрисидаги ҳисоботда ёритилади. Молиявий муассасаларда тўланадиган фоизлар ва олинадиган фоизлар ҳамда дивидендлар пул маблағларининг ҳаракати сифатида тавсифланади.
Молиявий муассасалар учун тўланадиган ва олинадиган фоизлар ҳамда дивидендларни операци-он фаолиятдан пул оқимлари сифатида таснифланади. Бошқа корхоналар учун эса тўланадиган ва олинадиган фоизлар ҳамда дивидендларни операцион фаолиятдан пул оқимлари сифатида таснифлаш мумкин, чунки улар соф фойда ёки зарарни аниқлашда иштирок этадилар. Лекин улар молиявий ва инвестиция фаолиятдан пул оқимлари сифатида ҳам таснифланиши мумкин, чунки улар олинган молиявий ресурслар учун тўлов ёки инвестициялардан даромад ҳисобланади.
Тўланадиган дивидендлар молиявий фаолиятдан пул оқимлари сифатида таснифланиши мумкин, зеро улар молиявий ресурслар учун тўлов бўлиб ҳисобланади, бироқ улар операцион фаолият натижасида пул маблағларининг ҳаракатидан олинган дивидендларни тўлаш юзасидан субъектнинг қобилиятини фойдаланувчилар томонидан аниқлашга ёрдам бериш учун, операцион фаолиятдан пул маблағларининг ҳаракати сифатида ҳам тавсифланиши мумкин.