Ўзбекистон Республикаси Давлат божхона қўмитасининг Божхона институти ТУЗИЛМАСИ
Бошқарув ходимларининг умумий чекланган сони (мутахассис, ёрдамчи ва хизмат кўрсатувчи ходимларни ҳисобга олмаган ҳолда) — 132 нафар, шу жумладан профессор-ўқитувчилар таркиби — 69 нафар.
Изоҳ: Институтнинг мутахассис, хизмат кўрсатувчи ва ёрдамчи (техник) лавозимларининг меъёрлари, уларни киритиш шартлари, меҳнатга ҳақ тўлаш бўйича разрядлари олий таълим муассасалари учун ўрнатилган нормативларни инобатга олган ҳолда Давлат божхона қўмитаси томонидан Ўзбекистон Республикаси Бандлик ва меҳнат муносабатлари вазирлиги ҳамда Молия вазирлиги билан келишилган ҳолда тасдиқланади.
5. Ўзбекистон Республикаси Вазирлар Маҳкамасининг 2009 йил 15 июлдаги 200-сон қарори билан тасдиқланган Давлат даромадига ўтказиладиган мол-мулкни олиб қўйиш, сотиш ёки йўқ қилиб ташлаш тартиби тўғрисидаги низомда:
а) 5-бандда:
иккинчи хатбоши «берилади» сўзидан кейин «(бундан божхона органлари томонидан олиб қўйилган мол-мулклар мустасно)» сўзлари билан тўлдирилсин;
қуйидаги мазмундаги учинчи хатбоши билан тўлдирилсин:
«Божхона органлари томонидан олиб қўйилган мол-мулк «Божхона-сервис» давлат муассасаси (кейинги ўринларда — «Божхона-сервис» ДМ) ва (ёки) унинг ҳудудий бўлимларига берилади.»
учинчи — ўнинчи хатбошилар тегишинча тўртинчи — ўн биринчи хатбошилар деб ҳисоблансин;
б) 10-банднинг биринчи хатбошиси «1-иловага мувофиқ шакл бўйича» сўзларидан кейин «қоғоз ёки электрон кўринишда» сўзлари билан тўлдирилсин;
в) 18-бандда:
биринчи хатбоши «амалга оширилади» сўзларидан кейин «(бундан божхона органлари томонидан олиб қўйилган мол-мулклар мустасно)» сўзлари билан тўлдирилсин;
қуйидаги мазмундаги иккинчи хатбоши билан тўлдирилсин:
«Божхона органлари томонидан олиб қўйилган мол-мулкни сотиш «Божхона-сервис» ДМ томонидан амалга оширилади»;
иккинчи — саккизинчи хатбошилар тегишинча учинчи — тўққизинчи хатбошилар деб ҳисоблансин;
учинчи хатбошидаги «савдо ташкилотларига» сўзлари «савдо ташкилотлари ва «Божхона-сервис» ДМга» сўзлари билан алмаштирилсин;
г) 19-бандда:
биринчи хатбоши қуйидаги таҳрирда баён этилсин:
«19. Сотиладиган мол-мулк ижро ишини юритувчи давлат ижрочилари томонидан товарга илова қилинадиган юкхати билан биргаликда савдо ташкилотларига, божхона органлари томонидан олиб қўйилган мол-мулклар эса «Божхона-сервис» ДМга берилади. Ижро ҳужжатларининг ўз вақтида бажарилишини таъминлаш учун мол-мулк унинг миқдоридан, ҳажмидан ва тез сотилиши имкониятларидан келиб чиқиб, бир вақтнинг ўзида сотиш учун бир нечта савдо ташкилотларига берилиши мумкин (бундан божхона органлари томонидан олиб қўйилган мол-мулк мустасно)»;
иккинчи хатбошидаги «Савдо ташкилотларига» сўзлари «Савдо ташкилотлари ва «Божхона-сервис» ДМга» сўзлари билан алмаштирилсин;
учинчи хатбошидаги «савдо ташкилотига» сўзлари «савдо ташкилоти ва «Божхона-сервис» ДМга» сўзлари билан алмаштирилсин;
д) 20-банд қуйидаги мазмундаги иккинчи хатбоши билан тўлдирилсин:
«Божхона-сервис» ДМ мол-мулкни қабул қилиб олиш ва сотиш билан боғлиқ харажатларни қоплаш учун сотилган мол-мулк қийматининг 15 фоизи миқдорида савдо чегирмасини ўз фойдасига ушлаб қолади»;
е) 21-бандда:
биринчи хатбоши қуйидаги таҳрирда баён этилсин:
«21. Савдо ташкилоти ёки «Божхона-сервис» ДМ томонидан қабул қилинган мол-мулкка (нархи пасайтирилмайдиган қимматбаҳо металлар ва қимматбаҳо тошлардан ясалган давлат даромадига ўтказилган заргарлик буюмларидан ташқари) талаб бўлмаса ва 30 кун мобайнида белгиланган нархда сотилмаса, савдо ташкилоти ёхуд «Божхона-сервис» ДМ бу ҳақда давлат ижрочисини ёзма равишда хабардор қилади, шунингдек давлат ижрочиси, молия ва солиқ органлари вакиллари иштирокида унинг қийматининг 10 фоизидан ортиқ бўлмаган миқдорда арзонлаштиради. Айни бир вақтда мол-мулк сотилганлиги учун савдо ташкилоти ёки «Божхона-сервис» ДМга тегишли бўлган савдо чегирмаси суммаси қайта ҳисоб-китоб қилинади. Арзонлаштириш тўғрисида махсус шакл бўйича далолатнома тузилади, унинг нусхаси молия, солиқ органларига ва ушбу мулкни олиб қўйган вако латли органларга берилади»;
учинчи хатбоши «савдо ташкилоти» сўзларидан кейин «ёки «Божхона-сервис» ДМ» сўзлари билан тўлдирилсин;
ж) 22-банд қуйидаги таҳрирда баён этилсин:
«22. Сотиш учун савдо ташкилотлари ёки Божхона-сервис» ДМга бериладиган барча буюмлар мувофиқлик сертификатлари (сертификатланиши шарт бўлган товарлар бўйича) ва рўйхатга олиш далолатномасида ёки қабул қилиш-топшириш далолатномасида назарда тутилган тартиб рақамлари, шунингдек қонун ҳужжатларига мувофиқ бошқа маълумотлар кўрсатилган ҳолда савдо ташкилоти ёхуд «Божхона-сервис» ДМнинг товар ёрлиқлари билан таъминланиши керак.
Буюмларни жузъий таъмирлаш, тозалаш, текислаш уларни сотиш учун қабул қилиб олган савдо ташкилотлари ёки «Божхона-сервис» ДМ ҳисобига амалга оширилади»;
з) 52-банд қуйидаги таҳрирда баён этилсин:
«52. Мол-мулкни сотишдан тушган пул маблағлари, савдо чегирмаси суммасини чиқариб ташлаган ҳолда, сотилишига қараб савдо ташкилоти ёхуд «Божхона-сервис» ДМ томонидан туман (шаҳар) бюросининг тегишли бўлимларидаги махсус ҳисоб рақамига 3 кундан кечикмай, ижро ҳужжатининг тартиб рақами ва санаси кўрсатилган ҳолда ўтказилади.
Мол-мулкни сотишдан тушган суммани ўтказиш муддати кечиккан тақдирда савдо ташкилоти ёки «Божхона-сервис» ДМ кечиккан ҳар бир кун учун тўланадиган сумманинг 0,5 фоизи миқдорида Суд ва адлия органларининг ривожлантириш жамғармасига пеня тўлайди».
6. Ўзбекистон Республикаси Вазирлар Маҳкамасининг 2018 йил 18 декабрдаги «Ўзбекистон Республикаси Давлат божхона қўмитасининг Миллий кинология маркази фаолиятини янада такомиллаштириш чора-тадбирлари тўғрисида»ги 1029-сон қарорида:
а) 2-банднинг тўртинчи хатбошиси «штат бирликлари» сўзларидан кейин «ва меҳнатга ҳақ тўлаш фонди» сўзлари билан тўлдирилсин;
б) 1-илова қуйидаги таҳрирда баён этилсин:
«Вазирлар Маҳкамасининг 2018 йил 18 декабрдаги 1029-сон қарорига
1-ИЛОВА
