1 тажриба иши

4-тажриба иши


ҲАВОНИНГ ЭРКИН ҲАРАКАТЛАНИШИДА ГОРИЗОНТАЛ ҚУВУРНИНГ ИССИҚЛИК БЕРИШИ

Ишнинг мақсади:

Ҳавонинг эркин ҳаракатланишида иссиқлик бериш назарияси бўйича билимни мустаҳкамлаш ва тажриба ўтказишга кўникма ҳосил қилиш.
Ишни бажариш натижасида ҳаво (суюқлик)нинг катта ҳажмда эркин ҳаракатланишида конвектив иссиқлик алмашинуви ўрганилиши, шунингдек иссиқлик бериш коэффициентининг турли омилларга боғлиқлиги аниқланиши керак.
Тажриба ишини бажариш учун қуйидаги адабиётлар билан танишиб чиқиш керак:

1. 
   Исаченко В.П., Осипова В.А, Сукомел А.С., “Теплопередача” М.: Энергия, 1981.
   
2. 
   Осипова В.А., “Экспериментальное исследование процессов теплообмена”, М.: Энергия, 1979.
   

Ишнинг давомийлиги – 4 соат.

1. ВАЗИФА

1. 
   Ҳавонинг эркин конвекция шароитида горизонтал қувурнинг ўртача иссиқлик бериш коэффициентини ва унинг ҳарорат фарқига боғлиқлигини аниқлаш.
   
2. 
   Тажриба натижаларини ишлаш ва уларни умумий мезон кўринишга келтириш.
   

II. НАЗАРИЙ ҚИСМ

Қиздирилган ва совуқ заррачаларнинг зичликлари фарқи ҳисобига суюқликнинг ҳаракатланиши эркин ҳаракатланиш деб аталади.

А гар ҳавода жойлашган қувур қизиган бўлса, ҳаво қизийди ва зичлиги камаяди. Натижада ҳавонинг қизиган заррачалари юқорига кўтарилади, уларнинг ўрнини совуқ ҳаво заррачалари \эгаллайди. Ҳавонинг ҳаракатланиш тезлиги қанча юқори бўлса ва шунингдек девор ва атроф-муҳит ҳароратлари фарқи қанчалик катта бўлса, узатилаётган иссиқлик миқдори ҳам шунча кўп бўлади.
Демак, иссиқлик бериш биринчи навбатда девор ва атроф-муҳит ҳароратлари фарқига кўра аниқланади. Бундан ташқари, иссиқлик бериш жадаллиги муҳитнинг физик хусусиятларига, қаттиқ сиртнинг шаклига, ҳолатига ва бошқа омилларга боғлиқ.
Иссиқлик бериш коэффициенти Ньютон-Рихман қонуни бўйича аниқланади.
, Вт/м²К (1)

бу ерда: Q_К – қиздирилган қувурдан конвекция усулида

берилаётган иссиқлик миқдори, Вт;
F  қувур сирти юзаси, м²;
t_К.С.  қаттиқ сирт ўртача ҳарорати, ⁰С;
t_М  муҳитнинг (суюқлик ёки ҳаво) ҳарорати, ⁰С.