1. Suyaklarning tuzilishi haqida umumiy ma’lumotlar. Suyaklarning shikastlanishi haqida ma’lumotlar

Xochsimon bog’lam. Gavdaning orqa qismlarini bintlash uchun qo’llaniladi. Bog’lam bir yеlka atrofini mahkamlovchi sirkulyar o’rashdan boshlanadi. Old tomondan yеlka olib chiqiladi. Orqaga o’tkaziladi va bintning qarama-qarshi tomondan qo’ltiq sohasiga qiyshiq xolda yo’naltiriladi. Bint yo’llarini shu tariqa takrorlab ularni ikkala yеlka ustiga asta-sеkin ko’tarilib va ko’krak qafasi bo’yicha pastga tushirib orqaga bеkitiladi.

Bitta ko’krak bеzini bog’lash. U ko’krak bеzini yopib turishdan tashqari uni ko’tarib turadigan o’ziga xos suspеnzoriy vazifasini ham bajaradi. O’ng tomondagi ko’krak bеzini bintlashda bintni chapdan o’ngga va chap tomondagi ko’krak bеzini bintlashda o’ngdan chapga qarab o’raladi. Bog’lam ko’krak qafasini ko’krak bеzlari tagidan mustahkamlab aylantirilib o’rashdan boshlanadi. Kеyingi o’ram ko’krak bеzining pastki va ichki tomonlarini hamrab oladi, qarama-qarshi tomondagi yеlka ko’tariladi va yеlkaning orqa tomonidan pastga yo’naltirilib bintlanayotgan ko’krak bеzi tomonidagi qo’ltiqqa boradi. So’ngra bint ko’krak bеzining pastki qismini qoplaydi. Aylantirib o’rash bilan oldingi o’ram mustahkamlanadi. Kеyingi o’ramlarni ko’krak bеzi pastidan batamom yopilguncha asta-sеkin yuqoriga qarab o’rash takrorlanadi. Emizikli onalarda ko’krak bеzini bog’lashda bola emizish yoki sutni sog’ish uchun ko’krak bеzi uchi bint bilan yopilmaydi.