PESTICIDLAR BILAN TASHQI MUHITNING ALOQADORLIGI
Atmosfera havosi, suv havzalari, oziq-ovqat mahsulotlari, tuproq,
turar-joylar pesticidlarni qo’llash jarayonida ma’lum darajada ifloslanishi
aniqlangan.
Pesticidlarni qo’llash usullariny tadbirkorlik bilan olib borish atrof-
muhitni ifloslanishdan ma’lum darajada saqlash imkonini byeradi.
Tabiiy iqlim sharoitiga, shuningdek o’simliklarning turiga hamda
pesticidlarning fizik xossalariga qarab ularni ishlatish usullari turlicha
bo’ladi.
P u r k a sh — dorilashga mo’ljallangan o’simliklarga zaharli
ximikatlarni eritma holida (bunda pesticidlar suv yoki organik
erituvchilarda eritilgan bo’ladi), suspenziya holida (bunda suvda
erimaydigan qattiq pesticid suvga aralashtirilganidan keyin unda muallaq
turadigan qattiq zarralar holida bo’ladi) va emulsiya holida (suyuq
ko’rinishida bo’lib, suv bilan aralashtirilgandan keyin bir jinsli tomchilar
holida muallaq holda qoladi) ishlatish, ya’ni purkab tushirish juda keng tus
olgan. Don omborlari, issiqxo-na — teplicalar va boshqa binolarni
zararsizlantirish uchun ham shu usuldan foydalaniladi. Zaharli kimyoviy
moddalarni purkash usuli bilan qo’llanilganda preparatlar juda tejamli
holda sarflanadi, biroq O’zbekistonning issiq iqlimli sharoitida bu usul
ko’p suv sarf qilinishini talab etadi: 1 gektar maydonidagi o’simliklarga
traktor yordamida purkalganda 400—600 l, aviaciya yordamida (samolyot,
vyertolyot) purkaganda 100—120,l, dov-daraxtlarga purkash uchun 2000 l
gacha suv sarflanadi. Bunday ko’p miqdordagi suv sarf-lanadigan purkash
usullari atmosfera havosini, suv havzalarini anchagana ifloslantiradi.
463
Kuzatishlar shuni ko’rsatadiki, havoda mavjud bo’lgan zaharli
moddalarning koncentraciyasi ruxsat etiladigan miqdordan 5—10 marta
yuqori bo’lishi qayd etilgan. Bunday ifloslanishlarni kamaytirish
maqsadida eng kam hajmli usuldan foydalanish taklif qilinmoqda.
Bu usulda
har bir gektar maydonga 100 va 50 l gacha bo’lgan suvli eritmalar
qo’llaniladi, bunda ta’sir qiluvchi preparatlarning eritma koncentraciyasi
ma’lum darajada yuqori bo’ladi.
O’rta Osiyo iqlim sharoitida ixcham hajmli usulni qo’llash uncha
to’g’ri kelmaydi. CHunki yuqori haroratli sharoitda mazkur usuldan
foydalanilganda atrof-muhitning ifloslanish xavfi ortadi.
CH a n g l a t i sh. Kukunsimon zaharli kimyoviy moddalarni qishloq
xo’jalik zararkunandalariga qarshi ishlatishda odatda changlatish usulidan
foydalaniladi. Bu tadbir havo quruq va issiq bo’lib turgan paytda
o’tkaziladi. Mazkur usul eng qulay usul bo’lib, asosan qurg’oqchilik
joylarda ko’p qo’llaniladi. Bu usulda pesticid purkash usulidagiga
qaraganda ko’proq sarflanadi, preparatning ko’p qismi shamol bilan atrofga
(ayniqsa yuqoriga ko’tariladigan havo oqimi bilan yuqoriga) uchib ketib
isrof bo’ladi yoki oziq-ovqat ekinlariga tushib, ularning zaharlanishiga
sabab bo’ladi. Pesticidlarning oziq-ovqat ekinlariga tushishi juda xavfli.
CHanglatish usuli bilan dorilash erta tongda, ekinlardan shudring
ko’tarilmagan vaqtda hamda shamol yo’q paytda o’tkaziladi. Bordi-yu
o’simliklarni erta tongda changlatishning imkoni bo’lmasa, ularni
dorilashdan oldin namlash kerak bo’ladi, buning uchun maxsus
changlagich mashinalardan foydalaniladi. Agar sekundiga 3 m dan ko’proq
tezlikda shamol esib turgan bo’lsa, changlatish ishini o’tkazib bo’lmaydi.
A e r o z o l u s u l i. Zaharli kimyoviy moddalarni qo’llashda aerozol
usuli bir qator afzalliklari bilan ajralib turadi. Mazkur usulda suyuq holdagi
464
pesticidlar mayda-mayda tomchi zarralariga bo’linib, tuman holiga yoki
qattiq zarralar ko’rinishidagi pesticidlar maxsus tyermik usulda ishlanib
tutun holiga keltiriladi va bu moddalar genyeratorlar yordamida purkaladi.
Zaharli moddalarni aerozol usuli bilan ishlatish hozirda keng tus
olmoqda.
Z a h a r l i x o’ r a k l a r d a n f o y d a l a n i sh. Zararkunanda
kemiruvchi hayvonlar, turli hasharotlar va ayniqsa g’umbaklarga qarshi
kurashish uchun zaharli xo’raklardan foydalaniladi. Bunda zararkunandalar
ayniqsa xush ko’rib eydigan ovqatlar maxsus usulda tayyorlanadi.
Pesticidlar qo’shib tayyorlanadigan xo’raklar quruq (quruq oziq moddasiga
aralashtirib tayyorlangan) va suyuq (zaharli modda suspenziyasi yoki
emul’siyasiga suyuq yoki quruq oziq moddasi qo’shib tayyorlangan)
bo’lishi mumkin. Odatda zararkunandalar makon qurgan joylarga, dalaga
sochib qo’yiladi (yumronqoziqlar va kemiruvchi qo’ng’iz-hasharotlarga
qarshi) yoki kemiruvchi hayvonlarning iniga qo’yiladi (omborlar,
molxonalar va boshqalarda). Bunda albatta uy hayvonlarini, parrandalarni
zahar-lanmasligi choralari ko’riladi. Zaharli xo’raklardan foydalanish-ning
xavfli tomoni shundaki, bu zaharli omillar yog’in suvlari bilan yuvilib suv
manbalariga tushishi, favqulodda oziq-ovqat mahsulot-lariga aralashib
qolishi mumkin. Umuman olganda, zaharli xo’raklar nisbatan kichik
maydonlarda, ma’lum joylarda ishlatiladi.
T u p r o q q a d o n a d o r p r e p a r a t l a r n i s o l i s h . Qishloq xo’jalik
zkinlari zararkunandalariga qarshi kurash chora-tadbirlari sistemasini
yanada mukammallashtirish avvalo o’simliklarni ki-myoviy yo’l bilan
himoya qilish tadbirlarini tubdan yaxshilashni talab etadi. Ekin va dov-
daraxtlarni kimyoviy yo’l bilan himoya qilishda hozirda ishlatib
kelinayotgan changlash va purkash usullari atrof-muhitni pesticid moddalar
bilan zaharlanishiga olib keladi, odam va hayvonlar uchungina emas, balki
foydali hasharotlar va boshqa jonivorlar uchun xavf tug’diradi. Bu borada
465
donador insek-ticidlardan foydalanish, beda va g’o’za ekinlarini
kemiruvchi va so’ruvchi zararkunandalardan saqlash uchun ishlab
chiqilgan samarador yangi usul bo’lib, gigiena nuqtai nazaridan ancha
maqsadga muvofiq keladi. Donador insekticidlarni ekinurug’i bilan birga
yerga solish pesticidning tejamli ishlatilishiga yordam byeradi, atrof-
muhitni ifloslanishiga yo’l qo’ymaydi. SHuningdek, mazkur usulda foydali
hasharotlar hamda hayvonlarning zaharlanish xavfi kamayadi.
Masalan, supyerfosfatga aralashtirib tayyorlangan 4% li donador
rogordan foydalanish (donalarning diametri 1-1,5 mm) ekin ildizlarini
chirishiga sabab bo’ladigan o’simlik bitlaridan saqlaydi. G’o’za nihollarini
o’simlik bitlari, o’rgamchakkana va g’umbaklardan saqlash uchun bir
qancha preparatlar qo’shib tayyorlangan donador insekticidlardan
foydalaniladi (rogor va antio preparatlari, geksaxloranning gamma
izomyeri granulalarga qo’shib tayyorlanishi mumkin).
U r u g’ l a r n i d o r i l a sh. Odatda texnik hamda madaniy
o’simliklar, shu jumladan chigit, makkajo’xori va boshqa ekin urug’larini
tuproqda yashaydigan zararkunanda zamburug’lar hamda baktyeriyalardan
asrash maqsadida ularga ekishdan oldin kimyoviy ishlov byeriladi.
Ma’lumki, tabiatda turli zararkunandalar - zamburug’lar, mikroorganizm va
viruslar urug’li donlarni kasallantirib, ekinlarning unib chiqishiga,
qolavyersa hosildorlikka anchagina zarari tegadi. Urug’liklarni dorilash
bilan o’simliklarning turli kasalliklariga qarshi kurashilganda tashqi
muhitni - atmosfera havosini, suv manbalarini, oziq-ovqat o’simliklarini
zararlanishining oldi olinadi.
Urug’larni dorilashning uch xil usuli bor: quruq dorilash, bir oz
namlab va suvlab dorilash. Quruq usul bilan dorilashda urug’lar kukun
holidagi preparatlar bilan dorilanadi; bir oz namlab dori-lashda esa urug’lar
bir oz yopishtiruvchi eritmalar bilan namlanadi, so’ngra ularga kukun
holidagi preparatlar sepiladi. Suvlab dorilash usulida urug’lar dorivor
466
kimyoviy eritmaga solinib, bo’ktirib qo’yiladi.
Keyingi yillarda ayrim o’simlik urug’lari, chunonchi, chigitlar kapsula
usulida dorilanmoqda. Bunda urug’liklarning yuzasiga maxsus polimyer
moddalar hamda kimyoviy preparatlar aralashmasi bilan ishlov byeriladi.
Kapsula holidagi bunday urug’liklar bir tarafdan zaharli moddalarni
me’yorida ishlatishga yordam byersa, ikkinchi tomondan mazkur usulda
dorilangan chigitlar bir tekisda unib chiqadi, ma’lum darajada esa
hosildorlik ham oshadi.
Urug’liklarni quruq usul bilan dorilashda kimyoviy ishlov byeriluvchi
urug’ maxsus asbob va mexanizmlar yordamida dorilanadi. Biroq mazkur
usulni qo’llashda juda ehtiyot bo’lish talab qilinadi. Bunda shaxsiy himoya
vositalaridan (respirator, protivogaz, niqob va boshqa) tadbirkorlik bilan
foydalanilmasa, u holda kimyoviy moddalar xavf tug’dirishi mumkin. SHu
boisdan keyingi yillarda urug’liklarni qisman suvlab yoki yaxshigina
namlab so’ngra zaharli moddalar bilan dorilanadi. Urug’liklarni dorilash
SP-ZM, OS, OSX va 2-OSX va boshqa markali mashinalarda amalga
oshiriladi. Bunday urug’liklar maxsus binolarda dorilanadi, u yerda
ishchilar salomatligiga xavf tug’diruvchi omillarning oldini olish chora-
tadbirlari ko’riladi. Jumladan zaharli chang, hidlarni havo yordamida tortib,
maxsus moslamalar bilan zararsizlantiradigan jihozlar (havo tortuvchi
tyaga, zaharli changlarni tutib qoladigan eritmalar va boshqalar) bo’ladi.
Urug’liklarni dorilashda qatnashaditn ishchilar barcha ehtiyoj choralari
qo’llashlari bilan birga, shaxsiy himoya vositalaridan o’z o’rnida to’g’ri
foydalanishlari katta ahamiyatga ega.
Dorilangan urug’liklar traktorlar yordamida yerga qadaladi. Ularni
qo’l bilan ekish mutloq taqiqlanadi.
Zaharli kimyoviy moddalarni traktor moslamalari va elkaga osib
olinadigan asboblar yordamida hamda samolyotlardan turib ishlatiladi.
Pesticidlarni yerda turib ishlatishda STN-8-16, OVX-14 markali purkagich
467
- changlagichlardan, samolyotlardan sepilganda esa AN-2, YAK markali
samolyotlardan foydalaniladi.
O’zbekiston xududida va boshqa issiq iqlimli sharoitlarda
o’simliklarga samolyotlar yordamida kimyoviy ishlov berish to’g’ri
kelmaydi, chunki bu usulda atrof-muhitni (atmosfera havosi, suv, suv
havzalari, oziq-ovqat ekinlarini, poliz ekinlari) pesticidlar bilan ifloslanishi
ko’proq bo’ladi.
Tashqi muhitni zaharli kimyoviy moddalar bilan ifloslanishi inson
sog’lig’iga, shu jumladan butun jonivorlar uchun xavflidir. CHunki
pesticidlar biologik aktiv moddalar bo’lganligi uchun ular har qanday tirik
organizmga salbiy ta’sir qilib, halok qilishi mumkin. SHuning uchun
pesticidlarni o’z o’rnida, tadbirkorlik bilan, belgilangan me’yorda ishlatish
lozim bo’ladi.
Aksariyat pesticidlar organizmning biokimyoviy strukturalari bilan
o’zaro reakciyaga kirishib, unda mavjud tabiiy biokimyoviy jarayonlarga
salbiy ta’sir etib ishdan chiqaradi, natijada fiziologik funkciyalar buzilib,
ko’ngilsiz hodisalarning kelib chiqishiga sabab bo’ladi.
Masalan, simoborganik birikmalar oqsillardan iborat fyerment
guruhlarining hayot uchun muhim sul’fgidril guruhlarini qamrab (bloklab)
olsa, fosfororganik birikmalar xolinestyeraza fyermentini qamrab oladi.
Holbuki, bu fyermentlarning ikkala guruhi ham tirik organizmlar bo’lib,
odamning hayotiy faoliyatida muhim rol’ o’ynashi bilan ajralib turadi.
Tabiatda, jumladan biosfyerada, ya’ni odamdan tortib qurt-
qumursqa va mikroorganizmlargacha bo’lgan jonivorlar yashab turgan
muhitda organizmning hayot faoliyatiga ta’sir qila oladigan minglarcha
kimyoviy moddalar tinmay, uzluksiz aylanib yurishi fan olamiga ma’lum.
Zaharli kimyoviy moddalarning odam nasli-nasabiga salbiy ta’sir
qilishi mumkinligi genetik jihatdan olganda eng murakkab muammolardan
468
hisoblanadi. Irsiy kasalliklar, bola tashlash, bolaning o’lik yoki mayib-
majruh bo’lib tug’ilishi singari tashvishli hodisalar keyingi vaqtlarda
ko’payib borayotganliga kishini tashvishga solmay qo’ymaydi.
Ishlatilayotgan kimyoviy moddalarning allyergen tariqasida
organizmga ta’sir qilishi borasidagi muammo ham hozirda echilishi qiyin
bo’lgan muammolardan bo’lib qolmoqda. Mazkur murakkab masala
kimyoviy moddalar ta’sirida yuzaga keladigan allyergik kasalliklarni
aniqlash va maxsus davolash usullarini ishlab chiqish vazifasini yuklaydi.
Bu kasalliklarning tabiati va yo’nalishi ham kimyoviy moddalardan hosil
bo’ladigan allyergik kasalliklarni aniqlash va davolash usullariga ko’p
jihatdan bog’liqdir.
Diqqatni tortadigan narsa shuki, ko’pgina kimyoviy moddalar
organizmga juda oz miqdorda tushsa ham gonadalarga, embrion
hujayralariga, immunologik xususiyatlariga salbiy ta’sir qiladi.
Bir qator kasalliklarda, shuningdek kimyoviy moddalar bilan
zaharlanish hollarida ham organizmning immun reakciyalari muhim rol’
o’ynashini qayd etib o’tish lozim.
Ziroatchilik, qishloq xo’jaligiga taalluqli ishlarda yalpi kasallikni
tarqalishiga qarshi ko’riladigan chora-tadbirlarda pesticidlarning keng
qo’llanilishi hamda mehnat jarayonida zaharli kimyoviy moddalar bilan
ishlaydigan odamlar sonining ko’payib borayotgani organizmda yuzaga
keladigan immunologik o’zgarishlarni klinik nuqtai nazardan batafsil
o’rganib chiqish zarurligani ko’rsatadi.
Ilmiy manbalarga va jahon olimlarining fikriga qaraganda, katta-katta
ekin maydonlari samolyotdan yoki yerdan dorilanar ekan, bunda
biosfyeraning pestididlar bilan ifloslanish ehtimoli ham tobora ortib boradi,
chunki mayda-mayda zarrachalar holidagi talaygina pesticidlar havo oqimi
bilan atmosferaning yuqori qatlamlariga ko’tarilib va bu qatlamda uzoq
muddat aylanib yuradi va qor-yomg’irga qo’shilib, yana yerga qaytib
469
tushadi.
Xulosa qilib aytganda, kimyoviy moddalar tamomila parchalanib
ketgunicha tashqi muhitda turish xususiyatiga ega. SHu munosabat bi-lan
amalda ishlatish uchun joriy etiladigan preparatlarni tanlashda gigienik
mezonlarni bundan keyin ham tinmay mukammallashtirib borish masalalari
juda muhim bo’lib qoladi. Bunda turli kimyoviy sinflarga kiradigan
pesticidlarning toksikodinamikasi va ta’sir mexanizmini atroflicha batafsil
o’rganishga, moddalarning qaysi xossalari kimyoviy tuzilishdagi qaysi
xususiyatlarga bog’liqligini aniqlash, pesticidlarning aholi salomatligiga
qay darajada va qay
xilda xavf solishi mumkinligini oldindan aniqlab olishga katta ahamiyat
berish zarur bo’ladi. SHu bilan birga, tashqi muhitni muhofaza qilishning
aniq chora-tadbirlarini ishlab chiqish darkor. Atrof-muhitni muhofaza
qilish murakkab hamda dolzarb masala bo’lib, bu davlat rahbarlarining
hamda turli soha mutaxas-sislarning birlashib ish olib borishini talab qiladi.
Mazkur masalani asosda har jihatdan ishlab chiqib atroflicha ijobiy hal
etish, salomatligini muhofaza qilish imkonini yaratadi.
SHuni qayd qilish kerakki, zaharli kimyoviy moddalar odam
organizmiga qaysi yo’l bilan kirmasin, ular birdaniga o’tkir yoki surunkali
(uzoq vaqt davomida tushib turadigan bo’lsa) zaharlaiish % alomatlarini
keltirib chiqarishi mumkin. Demak, har bir tibbiyot xodimi kimyoviy
moddalarning zaharlash yo’llaridan xabardor bo’lmog’i kerak.
Favqulodda zaharlanishning oldini olish maqsadga muvofiq hisoblanadi.
SHu maqsadda zaharlanishning kelib chiqishi, qay tarzda namoyon
bo’lishi, qanday ahvolda o’tishi, og’ir-engilligi va boshqa holatlarni
ko’rsatib o’tish ayni muddao.
Do'stlaringiz bilan baham: |