1. Saylov huquqi fani predmeti, maqsad va vazifalarini batafsil muhokama qiling

3-bob. Saylovga tayyorgarlik ko‘rish va uni o‘tkazish xarajatlarini amalga oshirish
1-§. Saylov komissiyalari faoliyatini moliyalashtirish
12. Saylovga tayyorgarlik ko‘rish va uni o‘tkazish bilan bog‘liq xarajatlarni moliyalashtirish tasdiqlangan xarajatlar smetalariga muvofiq amalga oshiriladi.
13. MSKning xarajatlari uning shaxsiy g‘azna hisobvarag‘idan amalga oshiriladi.
14. Hududiy saylov komissiyalari, OSKlarning xarajatlari bo‘yicha to‘lovlari tegishli saylov komissiya raislari va hokimliklarning bosh buxgaltyerlari tomonidan ularga xizmat ko‘rsatuvchi hududiy g‘aznachilik bo‘linmalariga taqdim etiladigan to‘lov topshiriqnomalari asosida amalga oshiriladi.
Bunda, saylov komissiyalari tomonidan tegishli hududiy g‘aznachilik bo‘linmalariga birinchi imzo (saylov komissiyalari raislarining) va ikkinchi imzo (hokimliklar bosh buxgaltyerlari) namunalari hamda komissiya shaxsiy tarkibi bo‘yicha qarori nusxasi taqdim etiladi.
15. Hududiy saylov komissiyalari, OSK va USKlar faoliyatini moliyalashtirish tegishincha Qoraqalpog‘iston Respublikasi Vazirlar Kengashi, viloyatlar, tumanlar va shaharlar hokimliklarining maxsus ochilgan shaxsiy g‘azna hisob varaqlari (bundan buyon matnda maxsus hisob raqam deb yuritiladi) orqali mazkur Yo‘riqnomaning 3-ilovasida keltirilgan sxema bo‘yicha quyidagi tartibda:
Oldingi tahrirga qarang.
a) O‘zbekiston Respublikasi Prezidenti saylovi bo‘yicha — OSK va USK xarajatlari Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining maxsus hisob raqami orqali;
(15-bandning “a” kichik bandi O‘zbekiston Respublikasi Markaziy saylov komissiyasining 2021-yil 2-iyuldagi 1080-sonli qarori tahririda)
b) O‘zbekiston Respublikasi Oliy Majlisi Qonunchilik palatasiga saylov bo‘yicha — OSK va USK xarajatlari OSK joylashgan hududdagi tuman (shahar) hokimligining maxsus hisob raqami orqali;
v) Qoraqalpog‘iston Respublikasi Jo‘qorg‘i Kengesi, Xalq deputatlari viloyat, tuman va shahar kengashlariga saylov bo‘yicha — Qoraqalpog‘iston Respublikasi Vazirlar Kengashi, viloyat, tuman, shahar hokimliklarining maxsus hisob raqami orqali amalga oshiriladi.