1-savolning javobi. Gap fikr ifodalovchi sintaktik birlik sifatida. Sintaksisda o‘rganiladigan asosiy sintaktik birlik gap

3-savolning javobi.

Sodda gaplar bo’laklarga ajralish-ajralmasligiga ko’ra ham turlarga ajratiladi. Bu jihatdan ular ikkiga bo’linadi.

1) bo’laklarga ajraladigan gaplar;
2) bo’laklarga ajralmaydigan gaplar.
Bo’laklarga ajraladigan gaplar bosh va ikkinchi darajali bo’laklarga ajraladi. Ikki bosh bo’lakli gaplar va bir bosh bo’lakli gaplarning barcha turlari bo’laklarga ajraladigan gap hisoblanadi. Chunki ularning hammasi bosh bo’lak yoki ikkinchi darajali bo’lak hisoblanadi. Demak, bo’laklarga ajraladigan gaplar u yoki bu gap bo’lagiga ajraladi. Sodda gaplarning aksariyati gap bo’laklariga ajraladigan gaplardir.
Biroq sodda gaplarning yana shunday bir turi borki, ular birgina so’zdan yoki bir so’z maqomidagi bog’lanmadan tashkil topadi. – Bugungi majlis bo’ladimi?- Yo’q. Assalomu alaykum, muallim! – Va alaykum assalom.
Keltirilgan sintaktik qurilmalarning – «Yo’q», «Assalomu alaykum» «Va alaykum assalom » ko’rinishdagi tiplari so’z – gap hisoblanadi. Bular ega ham, kesim ham emas, lekin ular fikr ifodalash xususiyatiga ega, shunga ko’ra ularni so’z-gap deyish mumkin.

❗2-savolning javobi

Predikativlik-gap mundarijasining voqelikka munosabatining ifodalanishida zamon, tasdiq-inkor, modallik kategoriyalari bilan birga grammatik shaxs ham qatnashadi. Grammatik shaxs gapda harakatning bajaruvchisi, sub’ekti yoki belgi egasi ma’nosining ifodalanishi bilan bog’liqdir. Shuning uchun grammatik shaxs gapning ajralmas bir xususiyati, zarur kategoriyadir.
Grammatik shaxs kategoriyasi fe’llarning morfologik shaxs kategoriyasi asosida vujudga kelsa ham, lekin u bilan teng emas, undan bir muncha kengdir. Chunki grammatik shaxs kategoriyasi fe’l ishtirok etmagan gaplarda ham ifodalanadi. Bunda grammatik shaxs shaxs otlari, kishilik, belgilash-jamlash olmoshlari orqali, bular ham bo’lmaganda sintaktik konstruktsiyaning o’zi bilan ifodalangan bo’ladi. So’nggi holda grammatik shaxs boshqa shaxsli gaplarga qiyosan belgilanadi. Masalan: Toshkent –O’zbekistonning poytaxti gapining grammatik shaxsi Akram – o’qituvchi, U-ishonchli hamkor gaplariga qiyosan III shaxsga aloqador bo’ladi. Grammatik shaxs kategoriyasi mazmun jihatidan olmoshlardagi shaxs kategoriyasiga o’xshashdir. Grammatik shaxs kategoriyasida ham 1-2-3– shaxs noaniq shaxs, umumlashgan shaxs, hamda shaxssizlik ajratiladi. Bunda:
a) fe’lning shaxs-son kategoriyasi;
b) fe’lning nisbat kategoriyasi;
v) shaxs olmoshlari;
g) shaxs otlari qatnashadi.
Grammatik shaxsiga ko’ra gaplar shaxsi aniq, shaxsi umumlashgan, shaxsi noaniq, shaxsi umumlashgan, shaxssiz gaplarga bo’linadi.
Kesimi aniqlik maylidagi fe’llar va shaxs-son qo’shimchalarini olgan otlar bilan ifodalangan gaplar shaxsi aniq gap hisoblanadi. Masalan: Hech qayoqqa bormaymiz. Bizkim, turklarning bosh bo’g’ini amiri Turkistonmiz. 20 yildan buyon shu dargohda o’qituvchiman.
Kesimi 3- shaxs aniqlik mayli shaklidagi yoki birgalik nisbatidagi fe’llar bilan ifodalangan harakatning bajaruvchisini aniq ko’rsatib turmaydigan gaplar shaxsi noaniq gaplarni tashkil qiladi. Demak, bunday gaplarda shaxs grammatik jihatdan ifodalansa-da, u konkret shaxsni ko’rsatmaydi. Chunki bunday hollarda ish-harakatni bajaruvchi shaxs emas, balki ish-harakatning o’zi birinchi o’rinda turadi. Masalan : Uni Karim nonvoy der edilar. Mana buni zarba deyishadi. Yaqinda yangi stadion qurishdi. Ko’chatni ko’pincha bahorda ekishadi. Kesimi grammatik jihatdan aniq bir shaxsni ko’rsatib tursa ham mazmunan hammaga, umumga qarashli harakatni bildirgan gaplar shaxsi umumlashgan gap deyiladi. Odatda bunday gaplarning kesimlari hozirgi-kelasi zamon fe’lining ikkinchi shaxs shaklida bo’lib, birinchi va uchinchi shaxsdagi fe’llar bilan juda kam ifodalanadi. Lekin ish harakat mazmunan doim har uch shaxsga tegishli bo’ladi. Masalan: Ishyoqmasga ish buyursang, otangdan ortiq nasihat qiladi. Izzat tilasang, ko’p dema, sihat tilasang ko’p ema. Boshingga qilich kelsa ham to’g’ri gapir. Och o’tirsang ham tinch o’tir.
Kesimdan harakatning bajaruvchisini umuman topib bo’lmaydigan, uni topib qo’yish ham mumkin bo’lmagan gaplar shaxssiz gaplar hisoblanadi. Shaxssiz gaplarning kesimi: a) uchinchi shaxs majxul nisbatdagi fe’llar bilan ifodalanadi: Yig’lanmasin, nega yig’lanadi. b) o’timsiz fe’lning majxul nisbat shakliga kirishi bilan ifodalanadi: Kecha majlisga etib borildi. Soat 3 gacha 1 tonna terildi. v) bo’l yordamchi fe’lining shart mayli va ravishdosh shaklidagi fe’l bilan ifodalanadi: Bu suvni ichsa bo’ladi – Bu suvni ichib bo’ladi. g) jo’nalish kelishigi shaklidagi harakat nomi - to’g’ri kel birikmasining tuslanishi bilan ifodalanadi: Ertaga tong saharda borishga to’g’ri keladi.
d) harakat nomi - kerak, zarur so’zlari orqali ifodalanadi: Topshiriqni o’z vaqtida bajarish kerak.