№1 сабақ Визуалды конспект

4-ші себебі: инстаграм арқылы табыс 
табуды бастау үшін көп ақша керек 
деп ойлайсың. 
Кез келген кəсіпті бастау үшін алғашқы капитал 
қажет. Бизнесті нөлден ешқандай ақшасыз бастауға болады 
деген сөздерге сенбеңіздер. Бəрібір де ақша құясыз. 
Инстаграм саласында да қызметтеріңізді ұсынып бастау 
үшін ақша қажет болады. Бірақ көп мөлшерде емес! Бұл 
ақша сіздің біліміңізге, портфолио жасауыңызға, 
жарнамаңызға қажет болады. Шамамен 20-30 мың теңге, 
қарап тұрсаңыз көп ақша емес, басқа салалардағыдай 
қытайдан тауар алдыртып немесе мамандарға жалақы 
төлеп, офис жалдап, склад алып жүрудің қажеті жоқ. Сіздің 
қызметкеріңіз де, складыңыз да, тауарыңыз да – миыңыз. 
Миыңызда дұрыс сапалы заманауи білім бар болса оны 
ақшаға айналдыруға болады. Ешнəрсені қиындатпаңыз, 
инстаграм арқылы табыс табуға миллиондаған қаржы, 
демеуші, инвестор қажет емес. Мен өзім ең алғашқы 
табысымды табу үшін 10 000 теңгеге ресейлік курсты сатып 
алып білім алдым. Содан кейін жеңгемнің инстаграм 
парақшасын жүргізіп, нəтиже шығарып, алғашқы 
табысымды тапқан болатынмын. Ол кезде жеңгем маған 50 
000 теңге төлеген еді. Сол 50 000 теңгеге мен жаңа білімдер 
алып, фотосессия жасап, жаңа адамдармен танысып ол елу 
мың теңгені бірнеше айдың ішінде 150 000 теңге қылып 
қайтарып алдым. Осылай табысым өсе берді. 

---

5-ші себебі: инстаграмда табыс табу 
үшін орыс тілін білу керек деп ойлайсың. 
Иə, инстаграмның ішкі интерфейсі орыс 
тілінде, инстаграмда блогерлер мен 
компаниялар парақшаларын көбінесе 
орыс тілінде жүргізеді. Бірақ соңғы 
жылдары парақшаларды қазақ тілінде 
жүргізу де сəнге кірді. Оған бір жағынан 
септігін тигізіп жатқан @qazaqshajaz 
парақшасы дей аламын. Бұл парақшаның 
админдері компаниялардың əлеуметтік 
желілерде қазақ тілінде жəне сауатты 
жазуы үшін күреседі. Нəтижесі бар. 
Бірнеше ірі компаниялар қазір қазақ 
тілінде контент жасауға көшті. Бұл 
дегеніміз қазақ тілін сауатты білетін 
инстаграм мамандарына сұраныстың 
арта түсетіндігін білдіреді. Сондықтан 
мен орысша білмеймін деген миыңыздағы 
жалған шектеуді алып тастаңыз, қазақ 
тілінде сапалы контент жасап инстаграм 
арқылы табыс табуға əбден болады.