1. Rejalash asboblaridan foydalanish

Fazoviy rejalashda xavfsizlik qoidalari

Chizg‘ichlarning o‘tkir uchlaridan ehtiѐt bo‘lib foydalanish kerak. Kernerga bolg‘achalar bilan qattiq urmaslik lozim. Rejalash asboblarini charxlashda ularni sovitib turish hamda himoya ko‘zoynagini taqib olish zarur.

Charxlash stanogining korpusi yerga ulangan bo‘lishi lozim.


Talabalar duch keladigan qiyinchiliklar va yo‘l qo‘yadigan xatolar hamda ularning oldini olish

Belgi chiziqchasini o‘tkazishda reysmasning o‘rnatilgan o‘lchamdan chiqarib yuborilishi, reysmas va shtangensirkul bilan ishlashda o‘lchamlar sanog‘i noto‘g‘ri olinishi xatolar jumlasiga kiradi.

Reysmaslarning belgilangan o‘lchamdan chiqib ketishi uning buzuqligidan, shuningdek, ignasining noto‘g‘ri holatda turishidan kelib chikadi. Reysmaslarda dastgohning o‘yiq ariqchasi bilan igna tutqich barmog‘i orasidagi (igna va igna tutqich orasidagi) liqillash bartaraf etilishi kerak.
Reysmas ѐki shtangensirkul bilan rejalashda o‘lchamlar sanog‘ini olaѐtib, xomaki mahsulot hamma vaqt ham taxtada asosi bilan turmasligini, balki prizmalar, ost qo‘ymalar, ponalar va domkratlarda turishini nazoratda tutish lozim. Taxtadan zagotovka asosigacha masofa har doim chizma o‘lchamlariga qo‘shilishi kerak. Chiziqchalar chizishda har qaysi o‘lcham oldingi o‘lchamga ko‘chiriladi. Reysmas ѐki shtangensirkul bilan ishlashda hisoblashni ѐzma tarzda amalga oshirish maqbuldir. Chiziqchalarning siljib ketishidan ham ehtiѐt bo‘lish kerak. Buning uchun esa chiziqchalarni bir yurishda o‘tkazish lozim.