1. Rejalash asboblaridan foydalanish

Egovlashda xavfsizlik qoidalari

1. Dastasiz ѐki dastasi ѐrilgan egov bilan ishlamaslik kerak: dastalar jilolangan tashqi yuzaga va halqaga ega bo‘lishi kerak.

2. Egovlashda egovning uchini pastidan qisib ushlamaslik lozim: egovni salt (ishlatmasdan) yurgizishda qo‘l zagatovkaga tegib ketib, jarohatlanishi mumkin. Egov haddan tashqari oldinga chiqarib yuborilganda, dasta zagotovkaning chetiga tegishi oqibatida, egov undan chiqib ketib, qo‘lning shikastlanishiga sabab bo‘lishi mumkin.
3. Soch orasiga qirindi tushmasligi uchun bosh kiyimda ishlash kerak.
4. Shikastlanishlarga yo‘l qo‘yilmasligni ko‘zlab, dastgoh, gira, ish va o‘lchash asboblari tartib bilan tutilishi va saqlanishi lozim.
5. Dastlab maxsus yo‘riqnomalarni o‘rganmasdan turib, elektrlashtirilgan va pnevmatik asboblar bilan ishlash qat’iyan man qilinadi.
Tashqi va ichki burchaklarga ishlov berishda:
a) burchakni tekshirishda homaki mahsulot giradan olinib, egovlangan yuza qirindidan tozalanadi;
b) chala mahsulot chap qo‘lga, go‘niya esa o‘ng qo‘lga olinadi;
v) tekshirishda zagotovka ko‘z va ѐrug‘lik manbai oralig‘ida joylashtiriladi;
g) go‘niya avvaliga ishlangan yuzaga qo‘yiladi, so‘ngra esa yuza bo‘ylab sirpantirilib, boshqa (ishlanmagan) yuzaga yaqinlashtiriladi.