1. Rejalash asboblaridan foydalanish

Egovlab kengaytirish va o‘lchamga moslashda xavfsizlik qoidalari.
Parmalash stanoklarida, elektr va pnevmatik mashinkalar bilan ishlashda xavfsizlik qoidalariga rioya qilish kerak.
Zagotovkalar chilangarlik girasiga puxta mahkamlanishi zarur.
Asboblar (egovlar, bolg‘achalar, kernerlar va chizg‘ichlar) ishga yaroqli holatda bo‘lishi lozim.
O‘tkir qirrali detallarni parmalashda chap qo‘l barmoqlarini egov ostiga olmaslik darkor. Qirqishda xavfsiz ishlash qoidalariga rioya qilish kerak.


Talabalar duch keladigan qiyinchiliklar va yo‘l qo‘yadigan xatolar hamda ularning oldini olish.

Talabalar teshiklarga ishlov berishda duch keladigan qiyinchiliklar va yo‘l qo‘yadigan xatolar taxminan egri chiziqli sirtlarni egovlashdagidek. Faqat bitta teshikni parmalash va egovlash bilangina cheklanib, noto‘g‘ri ish tutadilar. Teshikni tarh bo‘ylab kichik diametrli parmalarda ochib va so‘ngra ortiqcha metallni qirqib, hosil bo‘lgan teshik devorlarini kesib tashlash maquldir. Parmalashda har qaysi teshik hosil bo‘lganidan keyin g‘adirbudurlarni ketkazish va qirindilarni stanok stolidan supurib tashlash lozim. Rejalash shunday amalga oshirilishi kerakki, parmada hosil bo‘lgan teshik (tuynuk) deyarli reja chizig‘iga (teshik tarhiga) to‘g‘ri kelsin.

Agar detal teshigining burchaklari to‘g‘ri yumaloqlikka ega bo‘lsa, egovlashga hojat qolmaydi: ular aniq parmalab ochiladi va yo‘nib kengaytiriladi. Egovlash va egovlab moslash eng qiyin mashg‘ulot bo‘lganligidan, har qaysi mashq diqqat bilan ishlanishi lozim.