1. Pedagogika fanining predmetiva vazifalari Pedagogikaning paydo bo’lishi va rivojlanishi

1-MARUZA. PEDAGOGIKA FANI PREDMETI VA VAZIFALARI. PEDAGOGIKANING METODOLOGIYASI VA TADQIQOT METODLARI
REJA:
1. Pedagogika fanining predmetiva vazifalari
2. Pedagogikaning paydo bo’lishi va rivojlanishi
3. Pedagogika fanining asosiy tushunchalari (kategoriyalari) va ularning o’zaro bog’liqliklari
4. Pedagogik fanlar tizimi.
5. Pedagogikaning boshqa fanlar bilan aloqasi.
6. Kasbiy faoliyatda pedagogik nazariyaning o’rni
Tayanch so’z va iboralar: Pedagogika, shaxs, tarbiya, didaktika, mohiyat, ta’lim jarayoni, tizim, tadqiqot mеtodlari.
Pedagogika (yunoncha paidagogike bo’lib, paidagogos «bola» va «yetaklayman») ijtimoiy tarbiyaning umumiy qonuniyatlari, muayyan jamiyatda yagona ijtimoiy maqsadga muvofiq yosh avlodni tarbiyalash hamda unga ta’lim berishning mohiyati va muammolarini o’rganadigan fan. Pedagogika ijtimoiy fanlar tizimiga kiruvchi fan sanalib, yosh avlod hamda kattalarni milliy istiqlol g`oyalari asosida tarbiyalash, unga ta’lim berish muammolarini o’rganadi.
Didaktika (ta’lim nazariyasi. yunoncha didaktikos «o’rgatuvchi». didasko «o’rganuvchi») ta’limning nazariy jihatlari, ta’lim jarayonining mohiyati, tamoyillari, qonuniyatlari, o’qituvchi va o’qituvchi faoliyatlari, ta’limning maqsadi, mazmuni, shakl, metod, vositalari, natijasi, ta’lim jarayonini takomillashtirish yo’llari va hokazo muammolarni tadqiq etadi.
Pedagogika fani maqsadi va vazifalarining belgilanishida ijtimoiy munosabatlar mazmuni, davlat va jamiyat qurilishi, uning hayotida yetakchi o’rin tutuvchi g`oyalar mohiyati muhim ahamiyatga ega. Mazkur jarayonda quyidagi vazifalarni bajarishga e’tibor qaratiladi:
1. Ma’naviy va axloqiy-talablarga javob beruvchi yuqori malakali kadrni tarbiyalashga yo’naltirilgan pedagogik jarayonning mohiyatini o’rganish.
2. Shaxsni har tomonlama kamol to’tirish qonuniyatlarini aniqlash.
3. Ijtimoiy taraqqiyot darajasidan kelib chiqqan holda, rivojlangan xorijiy mamlakatlar ta’lim tizimi tajribasini o’rganish asosida uzluksiz ta’lim tizimini takomillashtirish.