1. Parlament islohotlarining ijtimoiy zaruriyati. Ikki palatali parlament tizimining o`ziga hos hususiyatlari

Xalq hokimiyatchiligi (demokratizm) prinsipi. O`zbekiston Respublikasi Prezidenti I.A.Karimovning ta'kidlashicha, huquqiy davlat qurishning hozirgi bosqichida deputatlarning o`z saylovchilari oldida hisobot berishlari vakillik organlari faoliyatida muhim o`rin tutishi lozim. Hatto, ma'lum bir loyiha, muayyan qonun muhokama etilayotgan paytda saylovchilar bilan uchrashuvlar tashkil etish ham mumkin. Bu qonunchilik faoliyati sifatini oshiradi, qonunning ta'sirchanligi ta'minlaydi, xalqning huquqiy madaniyatini yuksaltirish imkonini beradi.
O`zbekiston Respublikasi Konstitutsiyasida O`zbekiston xalqining demokratiya va ijtimoiy adolatga sodiqligi e'lon qilinadi. Demokratiyaga izchil rioya qilish davlat hokimiyati vakillik organlari faoliyatiga singib ketgan. O`zbekiston Respublikasi Prezidenti I.A.Karimov O`zbekiston mustaqil demokratik huquqiy davlat ekanligini ta'kidlaydi. Bu - insonparvarlik qoidalariga asoslangan, millati, dini, ijtimoiy ahvoli, siyosiy e'tiqodlaridan qat'i nazar fuqarolarning huquqlari va erkinliklarini ta'minlab beradigan davlatdir<sup>5</sup>. Xalq deputatlari Kengashlarining tashkil etilishi va faoliyatini demokratik yagona davlat rahbarligi, joylarning ijodiy faolligi va tashabbusi bilan bog`lash imkoniyatini beradi. Bunda har bir organ va mansabdor shaxs konkret vakolat bilan uni ijro qilishda ma'lum mustaqillik va topshirilgan ish uchun mas'uliyat bilan ta'minlanadi.
Davlat, xo`jalik va ijtimoiy-madaniy qurilishning hamma sohalaridagi xalq deputatlari Kengashlari tashkil etilishi va faoliyati demokratikligining mohiyati shundan iborat. Xalq deputatlari Kengashlarining tashkil etilishi va faoliyatining demokratikligi, eng avvalo, Kengashlarning tashkil etilishi va faoliyatida namoyon bo`ladi. O`zbekiston Respublikasi Prezidenti I.A.Karimov Oliy Majlis birinchi sessiyasida ko`rsatib o`tganidek, Oliy Majlisga, shuningdek, mahalliy hokimiyatlar vakillik organlariga keyingi saylovlarni tashkil qilishning dastlabki damlaridayoq sinfiy yondashuv nodemokratik tamoyil sifatida rad etildi. Vakillik organlariga saylov turli partiya va harakatlarning vakillaridan iborat nomzodlar orasidan muqobillik asosida saylandi.

Foydalanilgan adabiyotlar.

1. Azizxo’jayev A.A. Sovetlarning huquqni muhofaza qilish faoliyati. –
T.: O’zbekiston, 1991.
2. Jo’rayev N., Mustaqil O’zbekiston tarixi. 3-kitob.T.:2009.
3. Odilqoriyev X.T. O’zbekistonning yangi konstitutsiyasi va hokimyatlar bo’linish prinsipi. –T.:O’zbekiston,1993.
4. Odilqoriyev X.T. Konstitutsiya va fuqarolik jamiyati. –T.: Sharq. 2000.
5. Polvonzoda A. O’zbekistonda sud hokimyati: islohotlar va boshqalar davri. –
6. O’zbekiston Respublikasi – mustaqil davlat. – T.: Adolat, 1994.
7. O’zbekiston Respublikasi Konstitutsiyasiga sharh. – T.:O’zbekiston.1998.