1. O’zbekiston Respublikasi Prezidenti shavkat Mirziyoevning Oliy Majlisga murojaatnomasidan kelib chiqqan holda fanning vazifalari

«Iqtisodiyot» fan sifatida tabiatda hamda inson, jamoa va jamiyat hayotida vujudga keluvchi turli xil iqtisodiy jarayon va hodisalarni prognozlashtirish, tahlil qilish va baholash bo’yicha bilimlar majmuasini ifoda etadi.
«Korxona iqtisodiyoti va innovasiyalarni boshqarish» - aholi va iqtisodiyot uchun zarur bo’lgan mahsulot ishlab chiqarish, ish bajarish va xizmat ko’rsatishning ijtimoiy-iqtisodiy va ma’muriy-xo’jalik mexanizmlarini o’rganuvchi va ochib beruvchi fandir. U tabiat va jamiyatning muayyan ishlab chiqarish sharoitlarida rivojlanishining ob’ektiv qonunlari namoyon bo’lishi va amal qilishiga, shuningdek, korxonalar faoliyatiga bevosita va bilvosita ta’sir ko’rsatuvchi davlat miqyosida qabul qilinuvchi qoida, normativ va qonun hujjatlariga tayanadi.
«Korxona iqtisodiyoti va innovasiyalarni boshqarish» xuddi boshqa fanlar kabi birinchi o’rinda o’rganish funksiyasini bajaradi. Uning mahsulot ishlab chiqarish moddiy-texnika resurslarini sarf qilishni talab qilishi bilan, xodimlar mehnati ularga haq to’lash va rag’batlantirishning boshqa shakllari bilan, daromad hajmi esa xarajatlar miqdori va bahoni shakllantirish bilan bog’liq bo’lgan qo’shma korxonalarda sodir etiluvchi hodisa va jarayonlarni o’rganishi va izohlashi mo’ljallangan.
Mazkur fanning predmeti bozor munosabatlari sharoitlarida korxonalar faoliyatining nazariy va amaliy asoslarini, korxonalar faoliyatida iqtisodiy qonuniyatlarning namoyon bo’lishini, shuningdek, ularning ishlab chiqarish va xo’jalik faoliyati samaradorligini reurslardan oqilona foydalanish, rasional boshqaruv, investision va tadbirkorlik faolligi asosida oshirish yo’llarini aniqlash bilan ifodalanadi.
Fanning maqsadi ta’lim olayotganlarga amaliy iqtisodiy bilimlarni, shuningdek, mustaqil fikrlash hamda olingan axborotlar va mustaqil o’rganish yordamida korxona iqtisodiyoti muammolari(masalalari) bo’yicha qaror qabul qilish ko’nikmalarini singdirishdadir.
Nazorat va muhokama uchun savollar

1. Bozor iqtisodiyoti ma’muriy-buyruqbozlikka asoslangan avvalgi iqtisodiyotdan nimasi bilan farqlanadi?

2. Iqtisodiy fanlar va aynan “Korxona iqtisodiyoti va innovasiyalarni boshqarish” fani jamiyat kadrlarining shakllanishida qanday rol o’ynaydi?
3. Ishlab chiqarish (sanoat) korxonasi bozorning xo’jalik yurituvchi boshqa sub’ektlaridan qaysi xususiyatlari bilan farqlanadi?
4. Bozor iqtisodiyoti sharoitlarida korxonalar faoliyatining maqsadi nimada?
5. Korxonaning bozor va ishlab chiqarish aloqalarini ochib bering.
6. Raqobatchilik korxona faoliyatiga qay tarzda ta’sir o’tkazadi?
7. Zamonaviy korxonalarning faoliyati qaysi qonun hujjatlariga asoslangan? Korxonalar faoliyatiga bevosita ta’sir qiluvchi muayyan qonunlarni sanab o’ting.
8. “Korxonalar iqtisodiyoti va innovasiyalarni boshqarish” fani «Mikroiqtisodiyot» va «Makroiqtisodiyot» fanlaridan nimasi bilan farqlanadi?