1 O‘zbekiston respublikasi oliy va o‘rta maxsus ta’lim vazirligi samarqand iqtisodiyot va servis instituti

Axborot uchrashuvi. 
Maqsadli auditoriya vakillarini turoperator faoliyatidan 
shunchaki xabardor etish maqsadida tashkil etiladi. Bunday uchrashuv chog‘ida turli 
turfirma vakillari tomonidan yangiliklar ma’lum qilinadi, ammo muhokama 
etilmaydi. Faqat bitta masala uchrashuv mavzusi bo‘lishi mumkin. 
Axborot uchrashuvi imkon qadar muvaffaqiyatli bo‘lishi uchun uni 
rejalashtirish va o‘tkazish quyidagilarga e’tibor qaratish zarur: 
– muammo bilan dastlabki tanishish va keyinchalik uni batafsil muhokama 
qilish. Masalan, yangi turistik marshrutlar ishlab chiqish yoki xizmatlarni siljitish, 
potensial mijozlar bilan doimiy aloqalar o‘rnatishga bag‘ishlangan axborot 
uchrashuvida, dastlab, tashkilotchilar jurnalistlarga mintaqadagi vaziyat to‘g‘risida 
to‘liq ma’lumot beradi, so‘ngra shu masala uchun maqsadli auditoriya vakillarining 
savollariga javob beradi; 
– axborot uchrashuvi bir necha qismga bo‘linadi. Har birida asosiy mavzu 
masalalarning biri yuzasidan axborot berilib, batafsil yoritiladi. Masalan, hudud 
aholisining urf-odati, madaniyati, iqtisodiy ahvoli, yangi turlarni tashkil etishda 

---

161 
ularga bag‘ishlangan uchrashuvda turli turfirmalar navbat bilan o‘zlarining shu 
masalaga qaratilgan faoliyati to‘g‘risida ma’lumot beradilar. Tadbir tartibi 
buzilmasligi uchun moderator reglamentni nazorat qilib boradi. 
Davra suhbati. 
Davra suhbati turfirmalar uchun tashkil etiladigan boshqa 
tadbirlardan nimasi bilan farq qiladi? Albatta, stol atrofiga stullar qanday terilgani 
bilan emas, balki muhokama qilinishi talab etiladigan muammoning borligi bilan 
ajralib turadi va unda mutaxassislar va turli turfirmalar vakillari bilan bir qatorda PR 
bo‘yicha mutaxassislar ham ishtirok etadi. Mazkur tadbir eng qulay va yaxshi tashkil 
etiladigan munozara hisoblanadi. Davra suhbatini muammo bilan tanish bo‘lgan 
moderator boshqargani ma’qul. Bu muammoni turli qirralardan ko‘rish imkonini 
beradi. 
Davra suhbatini tashkil etayotganda masala muhokamasiga shu mavzu bilan 
qiziqadigan va ko‘tarilayotgan muammo yo‘nalishiga mos bo‘lgan OAV vakillarini 
taklif etish kerak. 
Davra suhbati moderatori ko‘tarilgan masala bilan atroflicha tanish bo‘lishdan 
tashqari, “auditoriyani boshqarish” texnikasini o‘zlashtirgan bo‘lishi, qitmir va 
ilmoqli savollardan mohirona uzoqlashishi, cho‘zilib ketishi xavfi bo‘lgan 
munozaralarni vaqtida to‘xtatishi va davra suhbati qoidalarini buzmagan holda mavzu 
doirasidan chiqmasligi kerak. Boshqa tadbirlardan farqli o‘laroq, davra suhbati bir 
soat va undan ham ko‘p davom etishi mumkin. Shunga ko‘ra, ishtirokchilarning 
ko‘tarilgan masalani muhokama qilishlari uchun vaqt ajratish kerak.