1 O’zbekiston respublikasi oliy va o’rta maxsus ta’lim vazirligi toshkent davlat iqtisodiyot universiteti

 
4.5. Shaxsiy hujjatlar yig’ma jildi 
Shaxsiy hujjatlar yig‘ma jildi - xodim to‘g‘risidagi to‘lik ma‘lumotlarga ega 
bo‘lgan hujjatlar majmuini o‘z ichiga oladi. Shaxsiy hujjatlar yig‘ma jildlari 
xodimning faoliyatini o‘rganish uchun muhim manba bo‘lib hisoblanadi. 
Shaxsiy hujjatlar yig‘ma jildi hujjatlarining tarkibiga sanab o‘tilgan tartibda 
quyidagi hujjatlar kirishi kerak: shaxsiy hujjatlar yig‘ma jildida bo‘lgan 
hujjatlarning ichki ro‘yhati, ishga qabul qilish to‘g‘risidagi ariza, yo‘llanma yoki 
tavsiyanoma, so‘rov varaqasi yoki xodimlarni hisobga olish bo‘yicha shaxsiy 
varaqasi, tarjimai hol, ma‘lumoti haqidagi hujjatlar nusxasi, tavsifnomalar, 
buyruqdan ko‘chirmalar (ishga qabul qilinishi, boshqa lavozimga o‘tishi, ishdan 
bo‘shatilishi to‘g‘risida), xodimlarni hisobga olish bo‘yicha shaxsiy varaqaga 
qo‘shimcha, rag‘batlantirishni qayd etish bo‘yicha shaxsiy hujjatlar yig‘ma jildiga 
qo‘shimcha, ma‘lumotnoma va ushbu shaxsga tegishli boshqa hujjatlar. 
Ishchi va xizmatchilarning shaxsiy varaqalari muassasalarda shaxsiy tarkibni 
hisobga olish bo‘yicha asosiy hujjatlar bo‘lib hisoblanadi. Shaxsiy varaqalar ishga 

---

67 
qabul qilish haqidagi buyruq yoki arizalarga muvofiq barcha toifadagi xodimlarga 
xodimlar bo‘limida tuziladi. 
Shaxsiy varaqadagi barcha yozuvlar hujjatlar bo‘yicha tuziladi. Pasport 
asosida familiyasi, ismi, sharifi, tug‘ilgan yili va joyi, millati, pasportning raqami, 
seriyasi va amal qilish muddati, pasportning kim tomonidan va qachon 
berilganligi, turar joyining manzili ko‘rsatiladi. Harbiy hisob bo‘yicha 
ma‘lumotlarni harbiy daftarchadan ko‘chirib yoziladi. Mutaxassligi oliy yoki o‘rta 
maxsus ta‘lim muassasasini tugatganligi haqidagi diplom (guvohnoma)ga muvofiq 
kasbi yoziladi. 
Umumiy va uzluksiz ish stajini mehnat daftarchasiga asosan ko‘rsatiladi. 
Varaqalarni to‘ldirish sanasi yoziladi va u kim uchun tuzilgan bo‘lsa, shu shaxs 
imzo ko‘yadi. Xodim ishdan bo‘shaganda varaqada buyruq (tushuntirish xati)ning 
sanasi, raqami va ishdan bo‘shash sabablari yoziladi. Ushbu ma‘lumotlar juda 
diqqatlik bilan to‘ldirilishi kerak, chunki bu ma‘lumotlar mehnat stajini tasdiqlash 
uchun asos bo‘lib xizmat qiladi. Shaxsiy varaqalar siyoh bilan to‘ldiriladi. Tez-tez 
o‘zgarishi mumkin bo‘lgan ustunlar qalam bilan to‘ldiriladi.