1. NetWare va Windows nt tarmoq operatsion tizimi oilasi unix operatsion tizimlar oilasi

Tarmoq resurslarini mantiqiy tashkil etish
NetWare 4.1 da tarmoq infrastrukturasini tashkil etishning eng yaxshi vositasi – NetWare (NDS) kataloglar xizmatidir. U tarmoq resurslari ierarxiyasini global darajada tashkil etishga imkon beradi. Buning uchun foydalanuvchiga ixtiyoriy resursga murojaat qilish uchun tarmoqda bir marta hisobdan o‘tsa yetarlidir. NDS ning kamchiligi bu xizmat uchun amaliy dasturlar yetarli emasligidir.
NDS ning boshqa platforma uchun amalga oshishi to‘g‘risida gap ketsa, Nowell firmasi NDS ga litsenziyani, OT lar ishlab chiquvchilarning hammasiga sotishini mo‘ljallagan.
Windows NT Server da tarmoq domenlar asosida yaratiladi, bu esa o‘z navbatida korporativ mijozlar uchun, kataloglar xizmatiga nisbatan qulay emas.
UNIX uchun NIS tarmoq axborot tizimidan (SUN firmasi tomonidan ishlab chiqilgan) foydalanish odatiy xoldir. Bu xizmat, domenlar asosida tarmoq resurslarini tashkil etishga imkon beradi, ammo Windows NT dan farqli ravishda domenlar o‘rtasida ishonchli munosabatlarni o‘rnatishga imkon bermaydi.
NIS ni boshqarish murakkabroq masala: ko‘p matnli fayllarni “qo‘lda” taxrirlashga to‘g‘ri keladi.
Hozirgi vaqtda UNIX ba’zi mualliflari o‘z kataloglar xizmatini, odatda X.500 standart asosida ishlab chiqayaptilar. Ammo, ular uchun Microsoft yoki Novell firmasi kataloglar xizmatidan foydalanish maqsadga muvofiqdir.
Ochig‘ini aytganda, korporativ geterogen tarmoq qurishning eng nozik joyi, bu tarmoq resurslari tarqoqligi va yagona xizmatni (katalog yoki domen) ShK lardan to meynfreym, superkompyuterlarga qo‘llash imkoni yo‘qligidir.