|
Davlat soliq qo’mitasi pog’onasida.
- hududiy DSBlardan yig’ib olingan AA-FF-GG’ fayllarida olingan ma’lumotlarni tahlil qilish, o’rganib chiqish soat 15°°ga qadar amalga oshiriladi va tahlil qilingan ma’lumotlar asosida chorak boshidan, oy boshidan hamda kunlik budjetga tushumlar to’g’risidagi 1-N hisobotini tayyorlanib, nazorat va xizmat doirasida foydalanish uchun DSQ rahbariyati va Markaziy apparat tarkibiy tuzilmalariga tarqatiladi.
Budjetga soliq va yig`imlar tushumi bo`yicha o`zaro solishtirish soliq, moliya va bank idoralari o`rtasida quyidagi chizmaga asosan amalga oshiriladi.
Yuqoridagi chizmaga asosan joylardagi Davlat soliq inspeksiyalari, ularga xizmat ko`rsatuvchi bank muassasalari va moliya idoralari o`rtasida hisobot oyining (choragining, yilining) yakuni bilan budjetga mablag`lar tushumi yuzasidan solishtirish ishlari amalga oshiriladi va bu borada uch tomonlama solishtirma dalolatnoma tuziladi.
Тuzilgan solishtirma dalolatnomalari hamda budjetga tushumlar hisobotining elektron fayllari yuqori organlar – hududiy Davlat soliq boshqarmalari, hududiy Markaziy bank bosh boshqarmalari va xududiy moliya (bosh) boshqarmalariga taqdim etiladi.
Hududiy Davlat soliq boshqarmalari, hududiy Markaziy bank bosh boshqarmalari va xududiy moliya (bosh) boshqarmalari o`rtasida quyi idoralardan taqdim etilgan ma’lumotlar asosida budjetga mablag`lar tushumi yuzasidan o`zaro solishtirish ishlari amalga oshiriladi va bu borada uch tomonlama solishtirma dalolatnoma tuziladi. Тuzilgan solishtirma dalolatnomalari hamda budjetga tushumlar hisobotining elektron fayllari yuqori organlar – Davlat soliq qo`mitasi, Markaziy bank va Moliya vazirligiga taqdim etiladi.
Hududiy davlat soliq boshqarmalari taqdim etgan ma’lumotlar asosida Davlat soliq qo`mitasida budjetga mablag`lar tushumi bo`yicha hisobot shakllantiriladi.
Soliq va boshqa majburiy to’lovlar tushumlarini hisobga olish, tahlil qilish va ma’lumotlar bazasiga xizmat ko’rsatish» bo’limi budjet va budjetdan tashqari maqsadli jamg’armalarga tushumlar bo’yicha ma’lumotlarni yuqorida belgilangan muddatlarda taqdim etib borish hamda ularning haqqoniyligi uchun javobgardirlar.
Davlat soliq xizmati organlarida dasturiy mahsullardan to’liq va samarali foydalanish bo’yicha buyruqlar bilan mas’ul xodimlar tayinlash va ular tomonidan ijrosini ta’minlash yuzasidan doimiy nazorat olib borish hududiy Davlat soliq organlari rahbarlarining shaxsan zimmalariga yuklatiladi.
Ushbu dasturiy majmua uch pog`onada: Davlat soliq inspeksiyalari, Qoraqalpog`iston Respublikasi, viloyatlar va Тoshkent shahar Davlat soliq boshqarmalari hamda Davlat soliq qo`mitasi bo`yicha budjet va budjetdan tashqari Davlat maqsadli jamg`armalariga kunlik, oylik, choraklik va yillik tushumlar hisobotini yuritishga mo`ljallangan.
«1-N: Budjet va budjetdan tashqari Davlat maqsadli jamg`armalariga mablag`lar tushumi hisobi» dasturiy majmuasidan foydalanish
1-N Davlat soliq inspeksiyasi (tuman, shaxar) pog`onasida maxsus kod (parol) kiritilgandan so`ng ko`rsatilgan panel chiqadi.
Dasturda birinchi bo`lib «Bashorat» menyusidan «Manbaalar» tugmasi bosiladi panel ochiladi.
Ushbu panelda «Kvartal» menyusi orqali kerakli chorak uchun bashorat ko`rsatgichlari manbaalar bo`yicha kiritib chiqiladi.
«Тaqsimlanish» menyusi orqali choraklik bashoratni oyma-oy taqsimlab chiqiladi.
1-N Davlat soliq inspeksiyasi (tuman, shaxar) pog`onasi dasturida 1-N hisobotga kiritilmaydigan maxsus hisob raqamlar orqali o`tkazilgan mablag`lar bo`yicha hisobotlarni shakllantirish uchun quyidagi ishlar amalga oshiriladi.
Bosh menyudagi «Ma’lumotlar ro`yxati» menyusi orqali «1-Nga kirmaydigan maxsus schetlar» menyusiga kiriladi
«Qo`shish» tugmasi bosilganda Davlat soliq inspeksiyasi bo`yicha hisob raqamlar reestri chiqadi. Ushbu reestrdan maxsus hisob rakamlar (23204, 23224, 23226, 23218, 23228 va x.k)ni tanlab «Saqlash» tugmasi bilan reestrga o`tkaziladi.
«Fakt» menyusi orqali Manbalar paneli ochilib, sana kiritiladi va ushbu kunga tushgan mablag`lar yuklanadi .
Kunlik tushumlar tekshirib chiqilganidan so`ng «Pochta» menyusiga kiriladi. Ushbu menyuda yuqori idora - Davlat soliq boshqarmasiga jo`natish lozim bo`lgan ma’lumotlar turi tanlanib «Bajarish» tugmasi bosiladi.
Тayyor bo`lgan pochta fayllari Davlat soliq boshqarmasiga elektron pochta orkali jo`natiladi.
«Хisobotlar» menyusidan «Manbaalar» tugmasi tanlanganda manbalar bo`yicha Davlat soliq inspeksiyasining 1-N hisoboti chiqariladi. Хisobotni ming so`mda yoki so`mda shakllantirish imkoni yaratilgan.
«Хisobotlar» menyusida korxonalar, vazirliklar, statuslar, faoliyat turlariga ajratilgan xolda «Тushgan summalar» menyusida tushgan mablag`larni, «Kaytarilgan summalar» menyusida Davlat soliq inspeksiyasi xulosalariga asosan qaytarilgan mablag`larni, «Umumiy tushum» menyusida yuqoridagi ikki menyuning ayirmasini (farqini) hisobot shaklida olish mumkin. Korxonalar, vazirliklar bo`yicha hisobot sanasiga bo`lgan tushumlarini taqqoslash va tushumlar dinamikasini ko`rish imkoniyati yaratilgan bo`lib, buni jadval ko`rinishida olish mumkin. Ushbu tahlillar natijasida ma’lum bir korxona yoki vazirlikning to`lov turlari bo`yicha oylik, choraklik va yillik soliq va yigimlar bo`yicha to`lovlarining taqqoslama tahlillarini ko`rish mumkin.
Do'stlaringiz bilan baham: | 
