1-н туман поѓонасида парол терилгандан сунг 1-расмдаги панел чиќади

2. «Davlat budjeti va maqsadli jamg`armalariga mablag`lar tushumi hisobi» AATini joriy qilishdan maqsadlari va ishlash tartibi.

 «1-N» avtomatlashtirilgan axborot tizimidan foydalanish Reglamenti O’zbekiston Respublikasi Davlat soliq qo’mitasining 2008 yil 16 iyundagi 35-F-sonli farmoyishiga asosan ishlab chiqilib, hududiy davlat soliq xizmati organlariga amalda foydalanish maqsadida yuborilgan. Mazkur Reglament O’zbekiston Respublikasi Davlat soliq qo’mitasining 2012 yil 30 oktabrdagi 71-f-sonli farmoyishiga binoan hududiy davlat soliq xizmati organlarining rahbar va mas’ul xodimlarga «1-N» AATdan foydalanish, dasturga budjet va budjetdan tashqari maqsadli jamg’armalarga tushgan tushumlar bo’yicha ma’lumotlarni kiritish hamda tegishli hisobotlar va ma’lumotlarni shakllantirish va belgilangan muddatlarda yuqori davlat soliq organlariga yuborish tartibini o’rgatish maqsadida ishlab chiqilgan

 Ma’lumotlar tarkibi va mazmuni

 «Budjet va budjetdan tashqari davlat maqsadli jamg`armalariga mablag`lar tushumi hisobini» yuritish dasturiy mahsuli ma’lumotlar bazasida quyidagi ma’lumotlar shakllanadi:

-budjet va budjetdan tashqari davlat maqsadli jamg’armalariga mablag’lar tushumi bo’yicha kunlik, oylik, choraklik va yillik tushumlar hisobini yuritish;

-korxonalar va vazirliklar (idoralar) kesimida budjet va budjetdan tashqari Davlat maqsadli jamg’armalariga mablag’lar tushumi bo’yicha ma’lumotlarni soliq turlari va Davlat soliq inspeksiyalari (Davlat soliq boshqarmalari) kesimida kunlik, oy, chorak, yil boshidan hisobot davrlari uchun olish;

-vazirliklar (idoralar) kesimida ma’lumotlarni Davlat soliq inspeksiyalari (Davlat soliq boshqarmalari, Davlat soliq qo’mitasi) kesimida olish;

-budjetga maxsus hisob raqamlar orqali o’tkazilgan mablag’lar tushumi bo’yicha ma’lumotlarni olish;

-belgilangan bashorat ko’rsatkichlari ijrosi bo’yicha ma’lumotni olish;

-bank muassasasidan olingan to’lov hujjatlaridan ko’chirmalarning to’g’ri kiritilishini nazorat qilishni tartibga soladi.

 Dasturiy mahsulni quyidagi uch pog’onada yuritilishi mo’ljallangan:

-birinchi pog’ona - tuman (shahar) Davlat soliq inspeksiyalarida;

-ikkinchi pog’ona Qoraqalpog’iston Respublikasi, viloyatlar va Тoshkent shahar Davlat soliq boshqarmalarida;

-uchinchi pog’ona Davlat soliq qo’mitasida budjet va budjetdan

tashqari davlat maqsadli jamg’armalariga mablag’lar tushumlar hisobotini yuritish.