1. Moliya / Umumiy masalalar]

13-bob. Aktivlar va majburiyatlarni boshqarish tizimini mustahkamlash

35.	Aktivlar va majburiyatlarni boshqarish tizimini takomillashtirish.	O‘zbekiston Respublikasi Davlat budjeti ijrosi to‘g‘risidagi hisobotlarda yanada to‘liqroq ma’lumot berish orqali nomoliyaviy aktivlarni hisobdan chiqarish jarayonining shaffofligini oshirish. Moliyaviy aktivlar (xususan, yuridik shaxslarning ustav fondidagi davlat ulushi) bo‘yicha jamlanma hisobotni tuzish, aktivlarni to‘g‘ri baholash va ularning moliyaviy ko‘rsatkichlarini nazorat qilish.	Normativ-huquqiy hujjatlarga o‘zgartirish kiritish	2022-yil I chorak	Davlat aktivlarini boshqarish agentligi, Moliya vazirligi, tarmoq vazirlik va idoralari	Xalqaro valyuta jamg‘armasi texnik ko‘magida
36.	Aktivlar va majburiyatlarni oshkor etishni yaxshilash.	Budjet tashkilotlari va davlat maqsadli jamg‘armalarining depozitlari, berilgan qarzlari va qarz majburiyatlari to‘g‘risidagi ma’lumotlarni chop etish. Davlat boshqaruvi sektorida moliyaviy va nomoliyaviy aktivlar va majburiyatlar balansi uchun zarur bo‘lgan ma’lumotlarni taqdim etish bo‘yicha normativ-huquqiy hujjatlarga o‘zgartirish kiritish. Davlat boshqaruvi sektorining barcha moliyaviy aktivlari va majburiyatlari to‘g‘risidagi hisobotlarni tuzish va e’lon qilish. Qarzdorliklar va moliyaviy oqimlarning o‘zgarishlari to‘g‘risidagi hisobotni tuzish va e’lon qilish.	Ochiq budjet portalida e’lon qilish Normativ-huquqiy hujjatlarga o‘zgartirish va qo‘shimchalar kiritish O‘zbekiston Respublikasi Davlat budjeti ijrosi to‘g‘risidagi hisobotlarda aks ettirish	2021-yil II chorak 2020-yil IV chorak 2021-yil II chorak 2022-yil II chorak	Moliya vazirligi, Davlat aktivlarini boshqarish agentligi	Xalqaro valyuta jamg‘armasi texnik ko‘magida
37.	Pul mablag‘larini boshqarish tizimini takomillashtirish.	Bunda: soddalashtirish va modernizatsiya qilish maqsadida budjet ijrosi va pul mablag‘larini boshqarish jarayonlarini qayta ko‘rib chiqish; xarajatlar va daromadlarni o‘z ichiga olgan holda respublika va mahalliy darajada pul oqimlarini xar oylik prognoz qilish tizimini joriy etish; DMBAT va “O‘zASBO”da to‘lovlarni nazorat qilish vositalarini joriy etish, to‘lov jarayonini avtomatlashtirish maqsadida budjet tashkilotlari tomonidan banklardan naqd pul mablag‘larini olishda qog‘oz cheklardan foydalanish amaliyotini bekor qilish.	Moliya vazirining buyrug‘i	2020-yil III chorak	Moliya vazirligi,
38.	Yagona g‘azna hisobraqami qamrovining to‘liqligini ta’minlash.	Budjet tashkilotlarining (bosqichma-bosqich mudofaa va huquqni muhofaza qiluvchi organlarni ham hisobga olgan holda) banklardagi barcha hisobraqamlarini yopish orqali ularning milliy va xalqaro valyutadagi hisobraqamlarini Yagona g‘azna hisobvarag‘i (YaG‘H) bilan qamrovini kengaytirish. YaG‘H vaqtincha bo‘sh mablag‘laridan samarali foydalanish maqsadida likvidlilikni boshqarish uchun qo‘llaniladigan moliyaviy vositalar turini kengaytirish.	Normativ-huquqiy hujjatlarga o‘zgartirish kiritish	2022-yil II chorak	Moliya vazirligi, vazirlik va idoralar