1. Moliya / Banklar va boshqa kredit muassasalari. Kreditlar

40817 Sotib olingan muddati o‘tgan veksellar bo‘yicha foizli daromadlar
40821 Sotib olingan sud jarayonidagi veksellar bo‘yicha foizli daromadlar
Yuqorida ko‘rsatilgan balans hisobvaraqlari xususiyati bo‘yicha bir xil bo‘lganligi uchun ularning ta’riflari umumlashtirilib berilmoqda.
Hisobvaraqning ta’rifi: bankning sotib olingan veksellar (eksport bilan bog‘liq hujjatsiz va hujjatli veksellar, mahalliy veksellar, muddati o‘tgan va sud jarayonidagi veksellar) bo‘yicha foizli daromadlari hisobi olib boriladi.
Hisobvaraqning kreditida sotib olingan veksellar bo‘yicha ishlab topilgan daromad, diskontning amortizatsiya summalari aks ettiriladi.
Hisobvaraqning debetida noto‘g‘ri hisoblangan va/yoki olingan daromadlarning qaytarish summasi, shuningdek moliyaviy hisobot yilining oxirida bankning moliyaviy natijasi sifatida 31206 — “Sof foyda (zarar) (aktiv-passiv)” hisobvarag‘iga o‘tkaziladigan daromadlar va mukofotning amortizatsiya qilingan summasi aks ettiriladi.
41000 Mijozlarning majburiyatlari bo‘yicha hisoblangan foizlar
41001 Mijozlarning majburiyatlari bo‘yicha foizli daromadlar — Import bilan bog‘liq veksellar
41005 Mijozlarning majburiyatlari bo‘yicha foizli daromadlar — Trast hujjatlari asosidagi import bilan bog‘liq veksellar
41009 Mijozlarning majburiyatlari bo‘yicha foizli daromadlar — Trast hujjatlari asosidagi mahalliy veksellar
41013 Muddati o‘tgan import bilan bog‘liq veksellar va akseptlar bo‘yicha foizli daromadlar
41017 Muddati o‘tgan mahalliy veksellar va akseptlar bo‘yicha foizli daromadlar
41021 Sud jarayonidagi import bilan bog‘liq veksellar bo‘yicha foizli daromaddar
41025 Sud jarayonidagi mahalliy veksellar bo‘yicha foizli daromadlar
Yuqorida ko‘rsatilgan balans hisobvaraqlari o‘z xususiyatlari bo‘yicha bir xil bo‘lganligi uchun ularning ta’rifi umumlashtirib berilmoqda.
Hisobvaraqning ta’rifi: bankning veksel va akseptlar (eksport bilan bog‘liq bo‘lgan veksellar, trast hujjatlari bilan kafolatlangan veksellar, muddati o‘tgan va sud jarayonidagi veksellar) asosida mijozlar majburiyatlari bo‘yicha foizli daromadlari hisobi olib boriladi.
Hisobvaraqning kreditida akkreditiv va/yoki trast hujjatlari bilan kafolatlangan trattalar asosidagi mijozlarning majburiyatlari bo‘yicha ishlab topilgan foizli daromadlar summasi aks ettiriladi.
Hisobvaraqning debetida noto‘g‘ri hisoblangan yoki olingan daromadlarning qaytarish summasi, shuningdek moliyaviy hisobot yilining oxirida bankning moliyaviy natijasi sifatida 31206 — “Sof foyda (zarar) (aktiv-passiv)” hisobvarag‘iga o‘tkaziladigan daromadlar summasi aks ettiriladi.