1. Молия / Банклар ва бошқа кредит муассасалари. Кредитлар

23411 Давлат божлари, йиғимлар ва солиқ бўлмаган тўловлар, маъмурий ва молиявий санкцияларни тўлаш бўйича маблағлар
Ҳисобварақнинг таърифи: қонун ҳужжатларида назарда тутилган давлат божлари, йиғимлар ва солиқ бўлмаган тўловлар, маъмурий ва молиявий санкцияларни тўлашдан давлат бюджети ҳамда вазирликлар ва идораларнинг бюджетдан ташқари жамғармаларига ўтказилган пул маблағлари ҳисоби олиб борилади.
Ҳисобварақнинг кредитида давлат божлари, йиғимлар ва солиқ бўлмаган тўловлар, маъмурий ва молиявий санкциялар бўйича тўланган пул маблағлари суммаси акс эттирилади.
Ҳисобварақнинг дебетида ажратмаларнинг миқдорларига мувофиқ давлат бюджети ҳамда вазирликлар ва идораларнинг бюджетдан ташқари жамғармаларига ўтказилган, давлат божлари, йиғимлар ва солиқ бўлмаган тўловлар, маъмурий ва молиявий санкциялар бўйича тўланган пул маблағлари суммаси акс эттирилади.
Таҳлилий ҳисоб алоҳида шахсий ҳисобварақларда олиб борилади.
23416 Махсус мақсадлар фондн
Ҳисобварақнинг таърифи: ҳукумат томонидан республика бюджети маблағлари ҳисобидан ташкил этилган махсус мақсадлар фонди маблағлари ҳисоби олиб борилади.
Ҳисобварақнинг кредитида махсус мақсадлар фондига маблағларнинг келиб тушиши акс эттирилади.
Ҳисобварақнинг дебетида ҳукумат топшириғи бўйича махсус мақсадлар учун маблағларнинг ҳисобдан чиқарилиши акс эттирилади.
Таҳлилий ҳисоб ҳар бир мақсад бўйича алоҳида шахсий ҳисобварақларда олиб борилади.
23422 Капитал қўйилмаларни республика бюджетидан молиялаштириш
Ҳисобварақнинг таърифи: капитал қўйилмаларни молиялаштириш учун республика бюджетидан олинган маблағлар ҳисоби олиб борилади.
Ҳисобварақнинг кредитида капитал қўйилмаларни молиялаштириш учун рестублика бюджетидан келиб тушадиган маблағлар акс эттирилади.
Ҳисобварақнинг дебетида капитал қўймаларни молиялаштиришга қилинган сарф-харажатлар акс эттирилади.
Таҳлилий ҳисоб ҳар бир молиялаштириш объекти бўйича алоҳида шахсий ҳисобварақларда олиб борилади.
23424 Капитал қўйилмаларни маҳаллий бюджетлардан молиялаштириш
Ҳисобварақнинг таърифи: капитал қўйилмаларни молиялаштириш учун маҳаллий бюджетлардан олинган маблағлар ҳисоби олиб борилади.
Ҳисобварақнинг кредитида капитал қўйилмаларни молиялаштириш учун маҳаллий бюджетлардан келиб тушган маблағлар акс эттирилади.
Ҳисобварақнинг дебетида капитал қўйилмаларни молиялаштиришга қилинган сарф-харажатлар акс эттирилади.
Таҳлилий ҳисоб ҳар бир молиялаштириш объекти бўйича алоҳида шахсий ҳисобварақларда олиб борилади.