1. Молия / Банклар ва бошқа кредит муассасалари. Кредитлар

16100 Бош офис/филиаллардан олинадиган маблағлар
16101 Бош офис/филиаллардан олинадиган маблағлар — Нақд пуллар
Ҳисобварақнинг таърифи: Ўзбекистон Республикаси ҳудудида жойлашган бош банк ва филиаллар ўртасида ёки бир банк филиаллари ўртасида бўладиган нақд пул билан боғлиқ операцияларнинг ҳисоби олиб борилади. Ушбу ҳисобварақ учун 22202-«Бош офис/филиалларга бериладиган маблағлар — Нақд пуллар» ўзаро мос ҳисобварақ ҳисобланади. Ушбу ҳисобварақларнинг айланма ва қолдиқ суммалари бир-бирига тенг бўлиши ва жамланган балансда ушбу ҳисобварақларда қолдиқ бўлмаслиги шарт.
Ҳисобварақнинг дебетида Бош банк/филиалларга нақд пул учун берилган маблағлар акс эттирилади.
Ҳисобварақнинг кредитида Бош банк/филиалларга тўланган қарзлар, нотўғри ўтказилиш натижасида қайтарилган маблағлар суммаси, шунингдек Бош банкда ёпиладиган барча ўтказмалар суммаси акс эттирилади.
Таҳлилий ҳисоб Бош банк/филиаллар билан ҳисоб-китоблар бўйича алоҳида шахсий ҳисобварақда олиб борилади.
16102 Бош офис/филиаллардан олинадиган маблағлар — Нақдсиз маблағлар
Ҳисобварақнинг таърифи: Ўзбекистон Республикаси ҳудудида жойлашган бош банк ва филиаллар ўртасида ёки бир банк филиаллари ўртасида бўладиган нақдсиз пул билан боғлиқ операцияларнинг ҳисоби олиб борилади. Ушбу ҳисобварақ учун 22203-«Бош офис/филиалларга бериладиган маблағлар — Нақдсиз маблағлар» ўзаро мос ҳисобварақдир. Ушбу ҳисобварақларнинг айланма ва қолдиқ суммалари бир-бирига тенг бўлиши ва жамланган балансда ушбу ҳисобварақларда қолдиқ бўлмаслиги шарт.
Ҳисобварақнинг дебетида Бош банк/филиалларга берилган маблағлар акс эттирилади.
Ҳисобварақнинг кредитида Бош банк/филиалларга тўланган қарзлар, нотўғри ўтказилиш натижасида қайтарилган маблағлар суммаси акс эттирилади.
Таҳлилий ҳисоб Бош банк/филиаллар билан ҳисоб-китоблар бўйича алоҳида шахсий ҳисобварақда олиб борилади.
16103 Бош офис/филиаллардан филиаллар ва банклараро ҳисоб-китоблар бўйича олинадиган маблағлар
Ҳисобварақнинг таърифи: банклар филиалларининг филиаллар ва банклараро ҳисоб-китоблар учун фойдаланадиган маблағлари ҳисоби олиб борилади. Ушбу ҳисобварақ учун 22204 — «Бош офис/филиалларга филиаллар ва банклараро ҳисоб-китоблар бўйича тўланадиган маблағлар» ўзаро мос ҳисобварақдир. Ушбу ҳисобварақларнинг айланма ва қолдиқ суммалари бир-бирига тенг бўлиши ва жамланган балансда ушбу ҳисобварақларда қолдиқ бўлмаслиги шарт.
Ҳисобварақнинг дебетида келиб тушган маблағлар акс эттирилади.
Ҳисобварақнинг кредитида ҳисобдан чиқарилган маблағлар акс эттирилади.
Таҳлилий ҳисоб битта шахсий ҳисобварақда олиб борилади.