1 modul. GİMnastikanin’ rawajlaniw tariyxi joba Gimnastikanın’ payda bolıwı h’a’m rawajlanıwı Milliy gimnastika sistemaları

Ekaterina Xilko - 1982-jılı 23-martta Tashkent qalasında tuwılg’an. Trampolin 

boyınsha xalıq aralıq da’rejeli sport ustası. O’zbekstanda xızmet ko’rsetken sportshı. 

Batuta sekiriw boyınsha bir neshe ret O’zbekstan chempionı. Sidneyde bolıp o’tken 

XXVII,  Afinada bolıp o’tken XXVIII Olimpiadalarda qatnasıp, 4-orındı iyelegen. 

2008-jılg’ı  Pekin  qalasındag’ı    XXIX  Olimpiadanın’  bronza  medalı  iyesi. 

“Wzbekstan iftixori” ordeni menen sıylıqlang’an. 

 

2-modul. GİMNASTİKA DENE TA’RBİYaSI SİSTEMASINDA  

Joba 

1.  Gimnastika tu’sinigi 

2.  Gimnastikanın’ mazmunı h’a’m metodikalıq o’zgesheligi 

3.  Gimnastikanın’ wazıypaları 

4.  Tiykarg’ı gimnastikalıq shınıg’ıwlarg’a qısqasha sıpatlama 

 

Gimnastika  -  dene  ta’rbiyası  sistemasının’  tiykarg’ı  qurallarının’  biri.  Onın’ 

ja’rdeminde  h’a’reket  apparatın  rawajlandırıwg’a,  ku’sheytiwge  h’a’m  tiykarg’ı 

h’a’reket  sapaların  (ku’sh,  shıdamlılıq,  tezlik,  shaqqanlıq  h’a’m  iyiliwshen’lik) 

jetilistiriwge boladı.  

Gimnastikanın’ teoriyası jan’a biologiyalıq ilim mag’lıwmatları h’a’m aldın’g’ı 

a’meliy ta’jiriybeler tiykarında jetilistirip barıladı.  

Dene  ta’rbiyası  sistemasının’  tiykarg’ı  qurallarının’  h’a’r  biri,  sonın’  ishinde 

gimnastika  ayırıqsha  mazmung’a  iye  bolıp,  o’zine  ta’n  dene  shınıg’ıwları,  olardı 

qollanıw,  u’yretiw  metodları  h’a’m  sabaqtı  sho’lkemlestiriw  formaları  menen 

ajıralıp  turadı.  Gimnastikalıq  shınıg’ıwlar  organizimge  ta’sir  tiygiziw  maqsetinde 

anatomiyalıq  mu’mkin  bolg’an  h’a’reketler  tiykarında  du’zilgen  bolıp,  olardın’ 

tiykarında  adam  organizminin’  du’zilisi  h’aqqındag’ı  ilim,  og’an  ta’sir  etetug’ın 

shınıg’ıwlar  h’a’m  a’meliy  jetiskenlikler  jatadı.  Gimnastikalıq  shınıg’ıwlarda 

qollanılatug’ın  metodlar  gimnastikanın’  ilimiy-metodikalıq  rawajlanıwı  menen 

jetilistirilip barıladı.