1-modul. Fonetika va grafika asoslarini oʻrgatish metodikasi

“Tovushlar va harflar”, “Soʻz”, “Gap”, 
“Bogʻlanishli nutq”.
Asosiy mavzular bosqichli izchillik tamoyiliga asoslanib, har 
toʻrt sinfda oʻrganiladi. Har bir sinfda yetakchi mavzular ajratiladi. 1-sinfda fonetika 
va grafikaga oid mavzularni oʻrganishga katta oʻrin beriladi, chunki oʻquvchilar 
oʻqish va yozish jarayonini egallaydilar. 3-sinfda soʻzning morfemik tarkibi va gapni 
oʻrganish muhim hisoblanadi. Soʻz yasalishiga doir bilimlar asosida oʻquvchilarda 
soʻzning leksik ma’nosiga, undan nutqda foydalanishga ongli munosabat oʻsadi. 4-
sinfda soʻz turkumlarini oʻrganish birinchi oʻringa qoʻyiladi (morfologik bilim
chuqurlashtiriladi, otlarning egalik va kelishik qoʻshimchalarini, fe’llarning 
tuslovchi qoʻshimchalarini toʻgʻri yozish malakalari shakllantiriladi). 
Bogʻlanishli nutq ustida toʻrt yil davomida grammatik va orfografik
materiallarni oʻrganish bilan bogʻliq holda reja asosida ish olib boriladi. 
Ona tili darslarida til hodisalari ma’nosi (semantikasi), qurilishi, vazifasi
jihatidan oʻrganiladi. 
Oʻzbekiston Respublikasi mustaqillikka erishgan kundan boshlab jamiyatni 
isloh qilish siyosatini kun tartibiga qoʻydi. Barcha sohalardagi kabi ta’lim sohasini 
isloh qilish siyosati ham izchillik bilan amalga oshirila boshlandi.
Boshlangʻich ta’lim boʻyicha Yangi tahrirdagi Davlat ta’lim standarti ham 
mustaqillik davridagi tajribalar natijasi sifatida maydonga keldi. U boshlangʻich 
ta’lim darsliklari va metodik qoʻllanmalarining yangi avlodini yaratishda 
dasturulamal vazifasini oʻtamoqda. 
Boshlangʻich ta’lim Davlat ta’lim standartining “Kirish” qismida 
“Boshlangʻich ta’lim jarayoni bolaning mantiqiy tafakkur qila olish salohiyati, 

---

3 
aqliy rivojlanishi, dunyoqarashi, kommunikativ savodxonligi va oʻz-oʻzini