1-Modul: Boshlang‘ich ta’lim fanlari nazariyasi fanining umumiy masalalari qismi bo‘yicha

2. Pedagogikaning tarmoqlari va boshqa fanlar bilan aloqadorligi. Pedagogika fanlari tizimida tarmoq pedagogikalar mavjud. Jumladan: maktabgacha ta’lim pedagogikasi, umumiy ta’lim pedagogikasi o‘rta maxsus, kasb-hknar ta’lim pedagogikasi, oliy ta’lim pedagogikasi, ishlab chiqarish pedagogikasi, pedagogik menejment, davolash pedagogikasi, gerontepedagogika, harbiy pedagogika, yangi pedagogik texnolgiyalar kabilardir.
Bularlan tashqari, defektologiya deb ataluvchi maxsus pedagogika ham shakllandi va maxsus o‘quv maskanlarida o‘qituvchi tarbiyachilar tayyorlashda surdopedagogika (soqov bolalarni o‘qitish va tarbiyalashda, tiflopedagogika (ko‘zi ojiz bolalarni o‘qitish), oligofrenopedagogika (aqliy rivojlanishdan orqada qolgan bolalarni o‘qitish), logopediya (nutqi yaxshi rivojlanmagan bolalarni o‘qitish) masalalari bilan shug‘ullanadi.
Har bir fanni o‘qitishning o‘ziga xos usullari mavjuddir. Bu xususiy metodika deb ataladi.
Keyingi yillarda oila pedagogikasi, kasb-hunar ta’lim pedagogikasi, harbiy pedagogika, sport pedagogikasi kabilar shakllanmoqda.
Pedagogika umumiy psixologiya, yoshlar psixologiyasi bilan uzviy bog‘langan.
Pedagogika inson dunyoqarashining shakllanishi, jamiyat va shaxsning o‘zaro munosabati hamda bilish faoliyati muammolarini o‘rganuvchi falsafa bilan hamkorlik qiladi. Ayniqsa, axloqiy tarbiya bilan etikaning, estetik tarbiya bilan estetikaning o‘zaro aloqalari.
Keyingi yillarda pedagogikaning sotsiologiya, siyosatshunoslik fani bilan aloqalari rivojlanmoqda. Insonnnig jamiyatdagi o‘rni, ijtimoiy muhitning shaxs rivojlanishi va tarbiyasiga ta’sirini o‘rganishda pedagogika bu fanlar bilan hamkorlik qilmoqda.
Pedagogika tarix, etnografiya, folklor kabi fanlarning yutuqlaridan samarali foydalanmoqda.