1-ámeliy shiniǵiw

Jumistan maqset: o`kpenin` tirishilik siyimlilig`I aniqlanatug`in pQaning spirometr menen tanisiw ha`m o`kpenin` tirishilik siyimlilig`in o`lshew usilin u`yreniwden ibarat.

Adam normal dem alg`anda, o`kpege 500-600 ml. hawa kiredi ha`m usinday hawa ja`ne sirtqa shig`adi. Bul hawa dem aliw hawasi delinedi. Normal dem aling`annan keyin, ja`ne 1500 ml. hawa aliw mu`mkin. Bul qosimsha hawa delinedi. Sonday-aq, normal dem shig`arilg`annan keyin ja`ne 1500 ml. hawa shig`ariw mu`mkin. Bul hawa zapas ya`ki rezerv hawa delinedi. Shuqir dem shig`arilg`annan keyin shuqir dem aling`anda okpege kirgen hawa mug`dari o`kpenin` tirishilik siyimlilig`I delinedi.

O`kpenin` tirishilik siyimlilig`i- dem aliw hawasi, qosimsha ha`m rezerv hawa jiyindisi (500+1500+1500)nan ibarat bolip, ol ortasha 3500 ml. ge ten`. O`kpenin` tirishilik siyimlilig`I insannin` jinisina, ka`sibine ha`m sawlig`ina qarap o`zgerip turadi.Qanshaliq shuqir dem shig`arilmasin o`kpedegi hawanin` ha`mmesi shig`ip ketpeydi.onin` bir bo`limi o`kpede qaladi. Bul hawa qaldiq hawa delinedi. Onin` mug`dari shama menen 1000ml ge ten` boladi.O`kpenin` tirishilik siyimlilig`in o`lshew ushin spirometrden paydalaniladi. Spirometr eki tsilindrdan du`zilgen bolip, onin` u`lkenine suw toltirilg`an, kishisi bolsa u`lken tsilindr ishine kiritilgen. Kishi tsilindr u`lken tsilindr ishinde an`sat ha`reketleniw ushin onin` joqarg`I jawiq ta`repi tas asilg`an jip arqali haltakka birlestirilgen. U`lken tsilindr tu`binin` ortasinda temir naysha ornatilg`an bolip, onin` joqarg`I ushi tsilindrdag`I suwdan biraz ko`terilip turadi, ekinshi ushi bolsa tsilindr tu`binen sirtqa shig`arilip, rezina naysha menen birlestirilgen.Eger rezina naysha arqali hawa u`plense, kishi tsilindr joqarig`a ko`teriledi, kirgen hawa mug`dari shkalag`a jazilg`an sanlardan biliw mu`mkin.