1-mehnat (йиллик) “Меҳнат ҳисоботи” статистика ҳисоботи шаклини тўлдириш бўйича тушунтиришлар

2-БОБ. ХОДИМЛАР СОНИ ВА ТАРКИБИ

18. Ҳисобот йили охирига мазкур корхона, ташкилотда меҳнат дафтарчалари мавжуд бўлган ходимлар сони маълумот даражаси ва ёш гуруҳлари бўйича тақсимланади. 208-сатрда ўрта махсус, касб-ҳунар билим юртларини (реформагача ҳунар-техника билим юртларини ва техникумларни) битирганлар, 211-сатрда бошланғич, тўлиқ бўлмаган ўрта маълумотли ходимлар ва умумий маълумот бермайдиган билим юртларини (масалан, бухгалтерия ва бошқа ҳар хил турдаги курслар, малака ошириш курслари) тамомлаган ходимлар, 212-224-сатрларда ходимлар тўлган ёшига қараб гуруҳларга ажратилади.

Мазкур бўлим маълумотлари Ўзбекистон Республикасининг “Таълим тўғрисида”ги қонунига мувофиқ тўлдирилади.
19. Ходимларни тоифалар бўйича ажратишда Ўзбекистон стандартлаштириш, метрология ва сертификатлаштириш агентлигининг 2021-йил 6-майдаги 05-1288-сонли қарори хизматчиларнинг асосий лавозимлари ва ишчилар касблари классификатори, Адлия вазирлиги томонидан 2003 йил 9 декабрда 1288-сон билан рўйхатга олинган давлат ва хўжалик бошқарувидаги ташкилотларда бошқарув, хизмат кўрсатувчи ва техник ходимларнинг сони нисбати меъёрларини аниқлаш методикаси ва бошқа қонунчилик ҳужжатларидан фойдаланиш зарур.
20. 201 сатрнинг 8, 9-устунларида пенсия ёшига етганлиги муносабати билан, шу жумладан имтиёзли шартларда мунтазам равишда тўланадиган пулли нафақа (пенсия) оладиган ходимлар сони кўрсатилади.
10-11-устунларда ТМЭК хулосасига кўра аниқланган ногиронлиги бўлган шахслар сони кўрсатилади.


3-БОБ. ХОДИМЛАРНИ КАСБ-ҲУНАРГА ЎҚИТИШ

21. Ушбу бўлимда ҳисобот йилида янги касб бўйича ўқитилган ва малака оширган меҳнат дафтарчалари мавжуд бўлган ходимлар кўрсатилади.

22. 310-сатрда ходимларни қайта тайёрлаш ва малакасини оширишга кетган харажатлар кўрсатилади (ўқиш давомида сақланиб қолган иш ҳақи ва ташкилот маблағлари ҳисобидан тўланган стипендияларни қўшмаган ҳолда), шундан, меҳнатни муҳофаза қилиш бўйича ходимларни тайёрлаш ва малакасини оширишга сарфланган маблағлар 311-сатрда кўрсатилади.