1-мавзу: Ўзбекистон республикасида илмий ва инновацион фаолиятни

Ташаббускор лойиҳалар танловлари учун мавзулар шакллантирилмайди. Инновацион ривожланиш вазирлиги томонидан эълон қилинадиган ушбу турдаги танловга исталган мавзудаги долзарб муаммоларнинг илмий ечими ҳамда аниқ натижага қаратилган лойиҳаларни тақдим этиш мумкин. Ташаббускор лойиҳалар танловида бир мавзу доирасида муқобил (альтернатив) лойиҳанинг танловга келиб тушиши талаб этилмайди.
Стартап» лойиҳалар — амалга ошиш хавфи юқори бўлган шароитда янги маҳсулот ёки хизмат турини яратувчи инновацион ишланмаларнинг қўлланилиши, кўлами ва тез ўсиш суръати билан фарқланадиган янги бизнес лойиҳа;
Инновацион ишланма — мавжуд ўхшаш интеллектуал фаолият натижаларига нисбатан янги белгиларга эга бўлган, амалда қўллаш мумкин бўлган ва амалиётда ундан фойдаланганда катта ижтимоий-иқтисодий самарага эришишни таъминлай оладиган интеллектуал фаолият натижаси (ишлаб чиқариш, маъмурий, тижорат ёки бошқа хусусиятга эга янги ёки мукаммал технология, хизмат ва ташкилий-техник ечим).
Технологиялар трансфери — янги ишланмани у олинадиган (ишлаб чиқариладиган) соҳадан амалда қўллаш соҳасига ўтказишга қаратилган тадбирлар мажмуидир.
Илмий-тадқиқот ишларига давлат буюртмаси доирасида тематик лойиҳалар мавзусини шакллантириш
Тематик лойиҳалар мавзулари давлат бошқаруви, хўжалик ва маҳаллий давлат ҳокимияти органлари, илмий фаолият субъектларининг асосланган таклифлари асосида Инновацион ривожланиш вазирлиги томонидан ишлаб чиқилади. Тематик лойиҳалар мавзулари вазирлик сўровига асосан ёки ихтиёрий равишда тақдим этилиши мумкин. Таклиф этилаётган лойиҳа мавзусида қуйидаги жиҳатлар акс этиши керак:
· илмий-тадқиқот мавзуси долзарб, мавзуда аниқ якуний маҳсулотга буюртма акс этган бўлиши;
· фан ва технологиялар ривожи учун устуворлиги;
· иқтисодиёт тармоқлари, ижтимоий соҳа ва республика ҳудудларининг аниқ муаммоларини ҳал этишга қаратилганлиги;
· лойиҳа натижасида якуний маҳсулот яратилиши асосланганлиги;
· ишланманинг рақобатбардошлилиги;
· тайёр маҳсулотни ишлаб чиқишга йўналтирилганлиги;
· лойиҳа натижаларининг тижоратлаштириш имконияти мавжудлиги;
· лойиҳанинг натижадорлиги (маҳсулот ёки такомиллаштирилган технология);
· лойиҳанинг молиялаштириш прогноз ҳажмлари белгиланганлиги.
Ўзбекистон Республикаси Президентининг “Илмий ва илмий-техникавий фаолият натижаларини тижоратлаштириш самарадорлигини ошириш бўйича қўшимча чора-тадбирлар тўғрисида” 2018 йил 14 июлдаги ПҚ-3855-сон қарорининг 6-бандида “Ўзбекистон Республикаси Давлат бюджети маблағлари ҳисобидан молиялаштириладиган фундаментал, амалий ва инновацион тадқиқотлар бўйича давлат илмий-техник дастурларини бажариш доирасида муассасалар томонидан яратилган илмий ва илмий-техникавий фаолият натижалари, давлат илмий-техник лойиҳалар якунланганидан ва (ёки) улар белгиланган тартибда рўйхатдан ўтказилганидан кейин тижоратлаштирилиши лозим, фундаментал тадқиқотлар натижалари, шунингдек, гуманитар ва ижтимоий фанлар соҳасидаги лойиҳалар бундан мустасно” деб белгиланган. Гуманитар ва ижтимоий фанлар соҳасидаги лойиҳаларнинг ижтимоий аҳамияти инобатга олинади. Долзарб муаммо ечимига қаратилган мавзу қуйидаги шакл асосида шакллантирилади.