1-мавзу: Ўзбекистон республикасида илмий ва инновацион фаолиятни

11. Ўзбекистон Республикасининг 2019 йил 29 октябрь “Илм-фан ва илмий фаолият тўғрисида”ги ЎРҚ-576-сонли Қонуни.
12. Ўзбекистон Республикасининг 2020 йил 24 июль «Инновацион фаолият тўғрисида» ги ЎРҚ-630-сонли Қонуни.
13. Ўзбекистон Республикаси Президентининг 2020 йил 29 октябрь “Илм-фанни 2030 йилгача ривожлантириш концепциясини тасдиқлаш тўғрисида” ги ПФ-6097-сонли Фармони.
Республикамизда илмий-тадқиқот ва инновацион ишланмаларнинг сифати, самарадорлиги ва манфаатдорлигини таъминлаш мақсадида Олий ва ўрта махсус таълим вазирлиги томонидан жами 49 та норматив-ҳуқуқий ҳужжат жорий қилинди ва қатор янги ҳужжатлар устида ишланмоқда. Бу саъй-ҳаракатлар, албатта, соҳа ривожида, илмий фаолият субъектларининг ҳуқуқ ва манфаатларини таъминлашга хизмат қилади.
1.4. Илмий ишланмалар ва тижоратлаштириш объектлари. Инновацион ишланмалар, давлат илмий-техник дастурлари, лойиҳалари, стартап-лойиҳаларни расмийлаштириш.
Қўйилган илмий муаммони ҳал этиш учун мақсад ва вазифалар, ижрочилар ва бажариш муддатлари, манбалар ва воситаларни кўрсатган ҳолда шакллантирилган чора-тадбирлар мажмуи илмий лойиҳа ҳисобланади.
Илмий лойиҳалар қўйилган муаммонинг илмий ёки техник ечимини топиш, ноу-хау ёки янги технологияларни олиш ва янги хизмат турларини йўлга қўйишга қаратилиши мумкин. Қўйилган мақсад ва вазифалардан, амалга ошириш шаклидан келиб чиқиб, илмий лойиҳалар қуйидаги турларга бўлинади: фундаментал лойиҳалар; амалий лойиҳалар; инновацион лойиҳалар.
Фундаментал, амалий ва инновацион лойиҳалар танлов асосида, айрим ҳолларда белгиланган тартибда танловдан ташқари молиялаштирилади.
Фундаментал тадқиқотлар – табиат, жамият ва инсоннинг тузилиши, шаклланиши ва ривожланишига оид асосий қонуниятлар ҳақидаги янги билимлар олиш, улар ўртасидаги ўзаро боғлиқлик, шунингдек, муайян фаолият натижасида яратилган объектларни ўрганишга ихтисослашган назарий ва (ёки) тажриба ўтказишга қаратилган тадқиқотлардир. Фундаментал тадқиқот лойиҳаларининг бажарилиш муддати беш йилгача бўлиши мумкин.