1-мавзу: Ўзбекистон республикасида илмий ва инновацион фаолиятни

Амалий тадқиқотлар – амалий мақсадларга эришиш ҳамда аниқ вазифаларни ҳал этиш учун, асосан, янги билимлар ва фундаментал тадқиқотлар натижаларини қўллашга йўналтирилган тадқиқотлардир. Амалий лойиҳаларнинг бажарилиш муддати уч йилгача бўлиши мумкин.
Инновацион лойиҳалар – амалга ошириш муддати, инфратузилмаси, ижрочилари, молиялаштириш манбаи ва ҳажмига эга инновацияни яратиш ҳамда ишлаб чиқаришга йўналтирилган тадқиқотлардир. Инновация ишларининг бажарилиш муддати икки йилгача бўлиши мумкин.
Тажриба-конструкторлик лойиҳалари – тажриба, конструкторлик намуналари, асбоблар, материаллар, буюмлар ва бошқа илмий ишланмаларни лойиҳалаш, тайёрлаш ва синовдан ўтказиш, ривожлантириш билан боғлиқ лойиҳалар. Бу турдаги лойиҳаларнинг бажарилиш муддати икки йилгача бўлиши мумкин. Фундаментал, амалий, инновацион ва тажриба-конструкторлик лойиҳалари раҳбарлари илмий даражага эга бўлишлари шарт. Шунингдек, лойиҳа раҳбари бир вақтнинг ўзида иккита бир хил турдаги лойиҳага илмий раҳбарлик қилиши мумкин эмас. Молиялаштириш шакли ва усулига кўра лойиҳалар қуйидаги турларга бўлинади: Тематик, мақсадли ва ташаббускор лойиҳалар фундаментал, амалий, инновацион ёки тажриба-конструкторлик шаклида бўлиши мумкин.
Тематик илмий-тадқиқот лойиҳалари – илмий фаолиятнинг илғор йўналишлари, шунингдек, иқтисодиёт тармоқлари ва ижтимоий соҳанинг эҳтиёжлари ва муаммоларидан келиб чиққан ҳолда, давлат бошқаруви органлари ва хўжалик бирлашмалари, маҳаллий давлат ҳокимияти органлари эҳтиёжлари асосида ишлаб чиқиладиган, молиявий ҳажми кўрсатилган, мавзу доирасида олинадиган якуний маҳсулоти аниқ акс эттирилган, мунтазам равишда эълон қилинадиган, танлов асосида молиялаштириладиган илмий-тадқиқот лойиҳаларидир.
Мақсадли лойиҳалар Ўзбекистон Республикаси Президенти, Ўзбекистон Республикаси Олий Мажлиси ва Вазирлар Маҳкамасининг ҳужжатларида белгиланган вазифалар ижросини таъминлаш, давлат бошқаруви ва маҳаллий давлат ҳокимияти органлари олдида турган муаммоларни ҳал этиш мақсадида ишлаб чиқилади ва амалга оширилади. Мақсадли лойиҳалар Илмий-техник кенгашлар тавсиясига кўра танловсиз молиялаштирилади.