1-мавзу. Ўзаро суғурта ва унинг суғурта соҳасида тутган ўрни ҳамда хусусиятлари

2015 йил натижалари бўйича дунё макроҳудудлари суғурта бозорларида ўзаро суғуртанинг ҳиссаси⁷

Макроҳудуд	Ўзаро суғурта улуши (умумий суғурта бозорига нисбатан %да)		Ўзаро суғурта мукофотларининг макроҳудуддаги улуши
	2007 й.	2015 й.
Европа	24,1	31,3	38,8
Шимолий Америка	28,8	36,2	42,7
Осиё ва Океания	19,6	14,8	16,8
Лотин Америкаси	9,8	12,0	1,5
Африка	1,2	2,5	0,2
Дунё бўйича	24,1	26,7	100

Кооперативлар ва ўзаро суғурталаш жамиятлари халқаро федерацияси (International Cooperative and Mutual Insurance Federation - ICMIF) маълумотларига кўра, 2015 йилда тўплаган суғурта мукофотлари ва активлар ҳажми бўйича ўзаро суғурталаш жамиятлари ўртасидаги энг йирик ўнталик қуйидаги ҳолатга эга бўлган (1.13-жадвалга қаранг). Жадвалда келтирилган энг катта ҳажмдаги активга эга бўлган ЎСЖлар Япониянинг Nippon Life ҳамда Zenkyoren ўзаро суғурталаш жамиятлари бўлиб, энг йирик ўнта суғурта ташкилотининг тенг ярми, яъни бештаси АҚШга тегишли.
Яна шунга эътиборни қаратиш керак, мазкур ўнта энг йирик ЎСЖларнинг асосий қисми – олтитаси бир вақтнинг ўзида суғуртанинг иккита тармоғида, яъни ҳаёт ва ҳаёт суғуртасидан бошқа суғурта тармоқларида фаолият кўрсатувчи жамиятлардир. Мазкур жадвалдаги активлари бўйича энг йирик 6 та ЎСЖнинг активларини умумлаштирганимизда 2 142 993 млн. АҚШ долларини ташкил этди. Демак ушбу кўрсаткич 10 йил оралиғида 50 фоизга ошган. Бу шундан далолат берадики, ЎСЖларнинг молиявий жиҳатдан барқарорлиги йил сайин ортиб бормоқда.
1.13-жадвал