1-Mavzu: Yurist yozma nutqining shakllantirish talablari Reja: Yurist yozma nutqining shakllantirish

11-Mavzu: Yurist shaxsiy imijni shakllantirish usullari

Reja:

1. Insonning shaxs sifatida rivojlanishi.

2. Imij tushunchasi va uning mohiyati.

Yaxshi obro‘ orttirishning eng ma’qul usuli – tasavvuringizdagi

yaxshi insonga o‘xshashga intilishdir.

Suqrot

Shaxs rivojlanishi – insonning umumiy rivojlanishining bir qismidir.

Shaxs rivojlanishidan tashqari, jismoniy va ruhiy rivojlanish ham mavjud

bo‘lib, bu tushunchalar bir-biridan farq qiladi.

Inson tug‘ilganidan boshlab butun umri davomida shaxs sifatida

rivojlanadi. Bu juda murakkab jarayon bo‘lib, ota-ona tarbiyasi, atrof-muhit,

kasbiy o‘sish ehtiyoji, hayot qiyinchiliklari kabi tashqi omillar unga ta’sir

ko‘rsatadi. Biroq ichki omillar ta’sirisiz shaxsning rivojlanishi mumkin

emas. Afsuski, hayotda kuzatishimiz bo‘yicha, bu omillar insonning shaxs

sifatida shakllanishiga har doim ham ijobiy ta’sir ko‘rsatavermaydi.

Rivojlanish jarayonida inson o‘z ichki dunyosini anglashi va uni

amalda namoyon etishi, hayotda asqotishi mumkin bo‘lgan

xususiyatlarni o‘zida kashf etishi zarur. Har bir inson tug‘ma va

orttirilgan xususiyatlarga ega va uning xarakteri ichki va tashqi dunyo

ta’sirida shakllanadi. Insonning atrof muhitidagi ta’sirlar va ichki

dunyosidagi kechinmalari uning xarakterida jiddiy o‘zgarishlarni keltirib

chiqarishi mumkin.

Shaxs shakllanishini harakatga keltiruvchi omillar