1. Mavzu: Yog’

5. Mavzu. Yog’ochlarni saqlash va quritish, Yog’ochlarni quritish usullari.
Yog’ochlarni chirishdan va yong’indan saqlash.
Reja


1.Yog’och materiallarini saqlash va quritish.
2.Yog’ochning chirishdan saqlash
3.Yog’ochning yonib ketishidan himoyalash.
Tayanch iboralar
Norma,quritish,tez,notekis,tobtashlash,qiyshaish,yorilish,zamburug’,ombor,taxlash
,shtabel,qistirma, tabiiy quritish,quritish kamerasi,harorat,rejim,generator,tok,parafin,vanna.
1.Yog’och materiallarini saqlash va quritish.
Yangi kesilgan yog’ochning namlik darajasi ruxsat etilgan normadan ziyod bo’lganligi sababli uni qurilishda ishlatib bo’lmaydi. Yog’och tez va notekis quriganida tob tashlashi (qiyshayishi) va yorilishi mumkin. Shu sababli kesilgan yog’ochga toki ularning qurilishga ishlatilganga qadar tabiiy ravishda qyrishiga
imkon berish kerak. Shuningdek, yuqorida aytib o’tilganidek, yog’ochni quritish
yo’li bilan zamburug’lar shikastlashidan saqlanadi.
28-rasm.
Yog’och taxtalarni quritish.


Yog’och materiallar saqlanadigan ombor uchun, suv oqib ketadigan salgina nishabi bo’lgan tekis balandlik joyni tanlash kerak. Yog’och-taxtalar biror taglikka ustma- ust taxlangan holda saqlanishi, tax (shtabel) lar bir-biridan 4—5 m uzoqlikda joylashtirilishi va mazkur joyda hukmron bo’lgan shamol shoxlarni doimo yaxshigina shamollatib turadigan bo’lishi lozim. Yog’och taxtalar orasiga qo’yiladigan qistirmalar bir xil o’lchamda bo’lishi va ularni belgilangan joydan siljib ketmasligi ularni to’g’ri va bir tekis qurishiga bog’liq (28-rasm). Materiallar tagidagi taglik yerga yopishib tegib turmasligi, taxning ustiga muvaqqat bostirma qurilishi zarur. Shunday sharoitda saqlanadigan yog’och-taxtalar tabiiy yo’l bilan quriydi (29-rasm). Yog’ochning qurish tezligi uning turiga va materialning qalin- yupqaligi va yo’g’on-ingichkaligiga bog’liq.