1-Mavzu: XI xv asrlarda Angliya Mustahkamlash uchun savollar

1371- yili serblar, bolgarlar, valaxlar va vengrlar koalitsiyasi Murodga qarshilik ko’rsatmoqchi bo’ldi. Ammo, Ittifoqchilar Mariia daryosi buyidagi jangda yengildilar. Shundan keyin Janubiy Serbiya sulton qo’l ostiga o’tdi. Vizantiya imperatori uning vassali bo’lib qoldi.

Kosovo maydonidagi jang. Serbiya qirolligining tamom bo’linishi. 1389- yil 15- iyunda Kosovo maydonida (Janubiy Serbiyada yangi katta jang bo’ldi. Bundan oldin turklar ustidan qisman g’alaba qozongan Serbiya qiroli Lazar 80000 ming kishilik katta qo’shin to’pladi, bu qo’shinda serblardan tashqari, bosniyaliklar va vengrlar ham bor edi. Sulton Murod boshchiligidagi turklar Lazarning kuchlaridan uch martadan ortiqroq kuch bilan Serbiya ustiga yurish qildilar. Bir yosh serb jonidan kechib sulton yotgan chodirning ichiga kirib, uni o’ldirdi. Ammo bu vaziyatni o’zgartirmadi. Murodning o’g’li shahzoda Boyazid yangi Sulton deb e'lon qilindi va u ulkan turk armiyasiga qo’mondonlik qilishni o’z zimmasiga oldi. Turklar tomonida askariy kuchlar ustun bo’lganligi natijasida serblar va ularning ittifoqchilari zo’r matonat ko’rsatishlariga qaramasdan, tor-mor etildilar. Qirol Lazar asir qilib olindi va sulton Murodning o’limi uchun u qatl etildi. Shundan keyin Serbiya hududining katta bir qismi qo’shib olindi. Shimoliy Dunay bo’yi Serbiyasi (u Podunaviya deb ataladi) ning qolgan kichik qismini serb knyazlari sultonning vassallari qo’lida bir oz vaqt idora qildilar. Ammo 1459- yilga kelib bu so’nggi serb hududi ham turklar tomonidan istili qilindi va turk mulklariga kiritildi.