1-мавзу ҳУҚУҚшунос мутахассис шаклланишида замонавий иш кўникмалари ва компетенцияларнинг роли

Тўғри йўналишни танлаймиз. Энди ортиқча ҳиссиётни нари қилиб, етарли маълумотни тўпладик, асосий, энг муҳим мезонларни танлаймиз ва шулардан келиб чиқиб қарор қабул қиламиз. Ва қарор қабул қилишга бир қадам қолганда, албатта, ўз ҳаётий қадриятларимизни эсга олишимиз зарур. Сиз учун ҳаётда ҳақиқатан нима муҳим? Нима учун сизга шу қарорни қабул қилиш муҳим ва зарур? Қарорларнинг қайси бири сизнинг қадриятларингизга энг кўп мос келади ва сизни қўллайди?
ҚАРОР ҚАБУЛ ҚИЛИШ.Баъзан тайёргарлик жараёнининг ўзидаёқ қарорни қабул қиламиз. Агар қабул қилмаган бўлсак ҳам зарари йўқ. Кўпчилигимиз қайсидир битта идеал натижага буткул кўз тикамиз ва кўпинча бошқаларини унутиб қўямиз.
Ҳар доим 2тадан ортиқ вариант бўлади. Бизнинг миямиз ҳамма нарсани оқ ва қорага, ҳа ва йўққа бўлиб ўрганган. Ва кўпинча мазкур стратегия қарор қабул қилиш жараёнига ҳам таъсир қилади. Биз олдимизда иккита варинтни кўрамиз – амалга ошиши мумкин ва мумкин бўлмаган. Лекин қачон биз бу танловга хоҳланаётган натижа нуқтаи назаридан қарасак, бизнинг олдимизда қатор вариантлар намоён бўлади, масалан, биз қарорнинг ўз муқобил вариантимизни илгари суришимиз мумкин. Мисол айтсак, чой ёки қаҳва ичишни ҳал қилиш учун ўзимиздан сўрашимиз мумкин: қандай натижага эришмоқчиман? Мен тетиклашиш, исиниш, дам олишни хоҳлайманми ёки шунчаки ичишними? Ва жавобдан келиб чиқиб қарор қабул қилинади: қаҳва, чой, какао ёки сув ичиш.
Икки хат.Агар сиз иккита вариантда тўхтаган бўлсангиз, уларни иккита тоннел тарзида тасаввур қилинг. Хаёлан ўзингизни аввал 1-тоннелдан юриб, уни ўрганаётгандек ҳис қилинг, тасаввур қилиб кўринг: агар сиз 1-вариантни танласангиз, воқеалар қандай давом этишини тоннелнинг охиригача бориб кўринг, сизни у ерда нима кутяпти. Муҳими, шошилманг. Бутун йўлингиз ва унинг натижасини қоғозга ёзинг. Сўнг худди шуни қарорнинг 2-варианти билан қилинг. Максимал даражада конкрет бўлинг ва деталларга эътибор қаратинг, шошилманг. Ёзганларингизни
3-4 кунга кўздан нари қилинг (агар муддати бемалол бўлса, кўпроққа), чалғинг ва қарор ҳақида ўйламасликка ҳаракат қилинг. Кейин иккала хатни олиб ўқинг, энди у ёки бу қарор қайси натижага олиб келишини биласиз. Танлаш осон бўлади.