1-мавзу: Умумий ўрта таълим мактабларида жисмоний тарбия дарсининг асосий шакллари. Жисмоний тарбия дарсининг вазифалари ва мазмуни

Хатолар ва уларнинг устида ишлаш. Жисмоний тарбия машғулотлари жараёнининг жисмоний машқлар билан шуғулланиш машғулотларида, жумладан, умумий таълим мактабларининг жисмоний тарбия дарсларида ўқув материалини ўзлаштириш хатолар содир бўлиши билан кечади. Бундай хатолар а с о с и й в а а с о с и й б ў л м а г а н х а т о л а р деб гуруҳланади:
- асосий хатолар деганда ўрганилаётган ҳаракат фаолияти ёки жисмоний машқнинг техникасининг асосида йўл қўйилган хатолар;
- аcосий бўлмаган хатолар эса ҳаракат акти, ҳаракат фаоияти техникасининг звенолари ёки унинг деталларида содир бўладиган хатолар тушунилади.
Хатоларни содир бўлишининг сабаблари:

• 
  жисмоний тарбия ўқитувчисининг машқ техни касини тушунтиришда ўрганилиши лозим бўлган ҳаракатнинг ҳаётий-амалий аҳамиятини ўқувчилар онгига еткиза олмаслиги орқали;
  
• 
  таълим жараёни мотивига урғу бера билмаслиги;
  
• 
  ўқувчиларни ўқитувчининг тушунтиришга нисбатан эътиборсиз­лиги оқибатида;
  
• 
  машқ техникасининг асосини, унинг звеноларини, деталларини қисм, бўлакларга ажрата олмаслик ҳам да улар ҳақида шуғулланучиларнинг назарий билим лари ёки бошланғич тасаввурларининг пастлиги;
  
• 
  янги ҳаракатларни мувофиқлаштириш(чаққонлиги) қобилия тининг яхши ривожланмаганлиги;
  
• 
  машқни ёки унинг техникасининг ижроси ҳақидаги тасаввурига эга бўла туриб, уни бажариш учун жисмоний тайёргарлиги ва ҳаракат координацияси заҳирасининг етарли эмаслиги камлиги;
  
• 
  ўқитувчи томонидан танланган ўқитиш услуби ётларинг таълим жараёни учун мос эмаслиги ва бошқалар.
  

Таълим жараёнида содир бўлган хатоларни аниқлаш ва уларни тўғрилаш ўзининг қонуниятигаэга. Уларни тузатиш учун аввало ҳаракат техникаси таркибидаги асосий хатолар аниқлаб тузатилади. Сўнг, асосий бўлмаган хатолар аниқланади ва тузатилади. Таълим жараёнинг амалиёти шундан гувоҳлик берадики, асосий хатоларни тўзатилиши асосий деб ҳисобланмаган хатоларни ўз-ўзидан тўғриланиб кетишига сабаб бўлиши мумкин.
Демак, аввал асосий хатолар аниқланади ва тузатилади, сўнгра иккинчи даражали яъни, ҳаракат фаолияти техникасининг звенолари ва деталларидаги хатолар тузатилади.