1-Mavzu. Turoperatorlik faoliyatini maqsadi va vazifalari

TUROPERATOR VA TURAGENT FARQI

• Turoperator har doim sotish uchun turmahsulot zahirasiga ega bo‘ladi, turagent bo‘lsa mijoz sotib olish istagini bildirgan holdagina ma’lum xizmatlarni talab etadi.
• Biroq amaliyotda ba’zan turoperator va turagent orasidagi farqni ajratib bo‘lmaydi, chunki har ikkalasi o‘xshash vazifalarni hal qilishlari mumkin. Masalan, firma turoperator sifatida yo‘nalishlar ishlab chiqishi, turistlar va boshqa agentliklarga sotishi ham mumkin. Xuddi shu vaqtda aynan shu turistik tashkilot turagent sifatida boshqa firmalardan xizmatlar sotib olishi va turistlarga sotishi ham mumkin.

TUROPERATORLAR FAOLIYAT TURIGA KO‘RA:

• 1. Ommaviy bozor turoperatorlari. Ular ommaviy turizm joylariga charter aviareyslardan foydalangan holda turpaketlar sotadilar.
• 2. Maxsuslashgan turoperatorlar - bozorning ma’lum segmenti yoki mahsulotiga maxsuslashgan turoperatorlardir.

Maxsuslashgan turoperatorlar o‘z navbatida quyidagilar bo‘lishi mumkin:

• maxsus qiziqishlar turoperatorlari (masalan, sport-sarguzasht turizmi, Afrikada safari uyushtirish va boshqalar);
• maxsus boriladigan joylar turoperatorlari (masalan, Angliya, Frantsiya va boshqa joylarga safarlar);
• ma’lum mijozlar guruhi turoperatorlari (yoshlar, oilalar, ish odamlari va boshqalar);
• maxsus joylashtirish joylari turoperatorlari (dam olish uylari, turbazalar va hokazo);
• ma’lum transport turlaridan foydalanadigan turoperatorlar (teploxod, poezd va boshqalar).

TUROPERATORLAR FAOLIYAT JOYIGA KO‘RA:

• 1.Mahalliy (ichki) turoperatorlar. Ular o‘zi yashayotgan mamlakat chegaralari doirasida yo‘nalishlar bilan birgalikda turpaketlar tuzadilar.
• 2.Chiqish turoperatorlari turpaketlarni xorijiy davlatlarga yo‘naltiradilar.
• 3.Qabul qiluvchi turoperatorlar. Ular turistlsrlar boradigan mamlakatda joylashgan bo‘ladi va ularga xizmat ko‘rsatishadi.