6-mavzu. Tuman moliya bo’limining istiqboldagi rivojlanish yo`nalishlarini
o'rganish.
Tuman moliya boʻlimi istiqbolga oʻz rejalarini belgilab olgan. Xususan, oʻz faoliyatiga yangi zamonaviy bilimga ega kadrlarni olish, bundan tashqari ish faoliyatiga yangi texnologiyalar qoʻllash orqali ishlarni yanada osonlashtirish, viloyat miqyosida yetakchi tumanlar qatorida boʻlishni maqsad qilib qoʻygan.
Tumanda iqtisodiy faoliyat turlari bo’yicha bozor xizmatlari ishlab chiqarish( 2019 yil yanvar-iyun oylari uchun). Aloqa va axborotlashtirish xizmatlari sohasida 102,8 mln. so’mlik, transport xizmatlarida 15247,8 mln. so’mlik, yashash va ovqatlanish xizmatlari 4129,1 mln. so’mlik, savdo xizmatlarida 46585,1 mln. so’mlik, 1902,7 mln. so’mlik ko’chmas mulk bilan bog’liq xizmatlar, 3545,7 mln. so’mlik ta’lim sohasidagi xizmatlar 587,7 mln. so’mlik sog’liqni saqlash sohasidagi xizmatlar, 7928,9 mln. so’mlik ijara xizmatlari, 3318,5 mln. so’mlik kompyuter va maishiy tovarlarni ta’mirklash bo’yicha xizmatlar, 3255,7 mln. so’mlik shaxsiy xizmatlar, 550,2 mln. so’mlik me’morchilik, muhandislik izlanishlari, texnik sinovlar tahlil sohasidagi xizmatlar, 4338,8 mln. so’mlik boshqa xizmatlar jami 98605,0 mln. so’mlik bozor xizmatlari amalga oshirilgan.
Shuningdek, 2021-yilda tumanimizda Hindistonlik investorlar bilan davlat xususiy-sherikchiligi asosida Gemodializ markazi qurilishi boshlandi. Jumladan, Hindistonlik investorlar bilan 10 yilga mo’ljallangan shartnoma imzolangan.
Byudjet kodeksi barcha manfaatdor taraflarni byudjet tizimi va byudjet jarayoni to‘g‘risidagi keng qamrovli hamda ishonchli axborot bilan ta’minlashga xizmat qiladi. Bu axborot davlat byudjetini ishlab chiqish va ijro etish bilan shug‘ullanayotgan hukumat uchungina emas, balki Oliy Majlis, mahalliy hokimiyat organlari, byudjet tashkilotlari va barcha fuqarolar uchun ham muhimdir.
Chunonchi, mintaqalarda Byudjet kodeksi resurslarni qayta taqsimlash va ularning daromad salohiyatini mustahkamlashning barqaror hamda samarali mexanizmini ta’minlashga qaratilgan. Byudjet tashkilotlari uchun bu – byudjetlarni tuzish va ijro etish hamda ular oldiga qo‘yilgan vazifalarni bajarishning aniq va ravshan qoidalaridir. Fuqarolar uchun esa Byudjet kodeksining qabul qilinishi shu bois ham muhimki, bugungi kunda Davlat byudjetining qariyb 60%i ijtimoiy sohaga yo‘naltirilyapti. Bular ta’lim, sog‘liqni saqlash, ijtimoiy himoyaga doir xarajatlardir. Agar qonunchilik Davlat byudjetining ijrosi va uning ijrosini nazorat qilishning aniq taomillarini ta’minlasa, sog‘liqni saqlash va ta’lim kabi xizmatlaridan keng foydalanishni ta’minlash, aholining nochor guruhlarini qo‘llab-quvvatlash va davlatning boshqa ijtimoiy majburiyatlarini samarali bajarish mumkin.
XULOSA
Amaliyotni o’tashdan asosiy maqsad – olingan nazariy bilimlarni amaliyot bilan bog’lash, moliya bo’limini boshkarishni takomillashtirish bo’yicha mavjud bo’lgan qo’llanma va yo’riqnomalarni hamda bunda vujudga keladigan muammolarni o’rganishdan iborat. Shu bilan birga, amaliyot jarayonida tijorat moliya bo’limi faoliyati umumiy asoslari bilan tanishish, statistik ma’lumotlarni yig’ish, ularni tahlil qilish iborat.
Men, 2021- yilning 10-mayidan 10-iyuliga qadar Xorazm viloyati Bog’ot tumani moliya bo’limida ishlab chiqarish amaliyotini o’tadim. Amaliyot davomida men amaliyot ish rejasi va dasturiga muvofiq tuman moliya bo’limining ish faoliyatini tartibga soluvchi me’yoriy-huquqiy hujjatlar bilan tanishib chiqdim. Shuningdek, moliya bo’limining funksiya va vazifalari, tarkibiy tuzilmasi, xodimlarning xizmat vazifalari, ish yuritish hujjatlarini ham o’rgandim. Tumanning so’nggi uch yillik moliyaviy hisobotlarini, daromad va xarajatlarining rejadagi hamda amaldagi ijrosini ko’rib chiqdim hamda tahlilini amalga oshirdim. Shuningdek, turli sohalar bo’yicha xarajatlar uchun davlat byudjeti tomonidan ajratiladigan mablag’lar hamda tumanning daromad keluvchi sohalar ko’rsatkichlari bilan tanishdim.
Qolaversa, amaliyot davomida tuman ijtimoiy-iqtisodiy rivojlanish ko’rsatkichlari, tumanni obodonlashtirish, iqtisodiyotini rivojlantirish borasida amalga oshirilayotgan chora-tadbirlar haqida ma’lumotga ega bo’ldim.
Shu bilan birga, 2021-yilda tumanni kompleks rivojlantirish bo’yicha amalga oshirilishi kutilayotgan loyihalarning moliyaviy nazorati moliya bo’limi zimmasiga yuklatilgan.
Men ishlab chiqarish amaliyotida o’qish davomida olgan nazariy bilimlarimni amaliyot bilan mustahkamladim hamda institut tomonidan berilgan dastur asosida har bir mavzuga oid amaliy ma’lumotlarni hamda me’yoriy-huquqiy hujjatlarni o’rganib, ularning asosiylarini hisobotimga ilova qildim.
Do'stlaringiz bilan baham: |