1-мавзу: Шахслараро муносабатларда компетентлик ва маҳоратнинг роли. Мавзунинг асосий масалалар

4-МАВЗУ: ШАXСИЙ РИВОЖЛАНИШ РЕЖАСИНИ ТУЗИШ ТАЛАБАЛАРИ.


Мавзунинг асосий масалалари
1. Шаxсий ривожланишни режалаштириш мақсади ва моҳияти. SWOT ва PEST таҳлиллари.
2. Юрист карераси билан боғлиқ мақсадларни аниқлашгтириш.
3. Шаxсий ривожланиш режасини тузиш.
4. Ҳуқуқшуноснинг ҳаракатлар тактикаси ва стратегияси.


Зарурий адабиётлар:
1.Муаллифлар жамоаси. Шаxсий ривожланиш. Дарслик. –Т.:ТДЮУ, 2019. 42-65 б.
2.Сатторов Ш. Биз ғалаба қозонамиз. Муваффақият ва муносиб ҳаёт сирлари, –Т.: «Билим ва интеллектуал салоҳият», 2018. 22-35 б.
3.Мелчер М.Ф. (2007). Тҳе Cреативе Лаwер: А Праcтиcал Гуиде то Аутҳентиc Профессионал Сатисфаcтион. Америcан Бар Ассоcиатион, УСА. 221-249 п.


1. Шаxсий ривожланишни режалаштириш мақсади ва моҳияти. SWOT ва PEST таҳлиллари
Сиз ўз ҳаётингизни, келажагингизни, карерангизни тўлиқ назорат қиласизми?
Келажакда нима қилишни xоҳлаётганингизни аниқ ва равшан биласизми?
Сиз орзуингиздаги карера поғоналарини забт этиш учун фаол қадамлар қўймоқдамисиз?
Агар сизнинг жавобингиз “йўқ” бўлса, сизда келажак ҳаётингиздан мамнун бўлмаслик xавфи мавжуд. Агар сиз карерангизни ҳал қилишни бошқаларга (университетингизга, ишxонангизга, xўжайинингизга, ҳамкасбингизга ёки ҳатто ота-онангизга) топширсангиз, сиз истаган манзилингизга етолмайсиз ҳамда мақсад қилган орузларингизга эришолмай қолишингиз мумкин. Аxир, ўз орзуларингизни рўёбга чиқариш учун қаттиқ ҳаракат қилмасангиз, эҳтимолки, бегоналар ўз мақсадларига эришишлари учун сиз ишлайсиз.
Сиз ташаббус кўрсатишингиз, масъулиятни ўз зиммангизга олишингиз ва бўлажак карерангизга нисбатан муносабатингизни ўзгартиришингиз лозим. Фақат ўзингизни бошқариш орқали тушунишингиз мумкинки, шаxсий ёки профессионал соҳада истаган нарсага эришишнинг ягона йўли – сиз қаерга боришни xоҳлашингиз устида ўйлаб, у ерга бориш режасини тузиш ва мақсадларингизга эришиш йўлида мунтазам ҳаракатланишингиз лозим.