1-Mavzu O’zbekiston Respublikasi “Tabiatni muhofaza qilish” qonunini o’rganish

V. TABIIY RESURSLARDAN FOYDALANIShNI TARTIBGA SOLISh
16-modda. Tabiatdan foydalanishga yo‘l qo‘yilishi
Tabiatdan foydalanishga atrof tabiiy muhitni yashash uchun yaroqli holda saqlash, tabiiy resurslardan belgilangan tegishli normativlar doirasida foydalanish va qayta tiklanadigan va qayta tiklanayotgan tabiiy resurslar qayta tiklanishini ta’minlash sharti bilan yo‘l qo‘yiladi.
Keyingi tahrirga qarang.
17-modda. Tuproqdan foydalanish shartlari
Tuproq deyilganida yer qobig‘ining tiriklik uchun foydalaniladigan va o‘simliklar bilan birga amal qiladigan yuzadagi unumdor qatlami tushuniladi.
Tuproqdan uning unumdorligini pasaytirmagan holda tabiiy va madaniy o‘simliklardan hosil olish uchun foydalaniladi.
Tuproqning inshoot ostida qoladigan gumusli qatlami boshqa joylarda hosildorlikni oshirish uchun olib ketilishi kerak.
18-modda. Yer osti boyliklari va foydali qazilmalardan foydalanish shartlari
Yer osti boyliklari deyilganida yer qobig‘ining yuqori qismini qamrab oluvchi, tadqiqotlar o‘tkazish va foydali qazilmalar kavlab olish mumkin bo‘lgan sath, foydali qazilmalar deyilganida esa iqtisodiy va sog‘lomlashtirish ahamiyatiga molik geologik hosilalar tushuniladi.
Yer osti boyliklari va foydali qazilmalardan quyidagi shartlar bilan foydalaniladi:
qazib olishda ana shu boylik va qazilmalar hamda ularga qo‘shilib chiqadigan boshqa tabiiy resurslardan kompleks va oqilona foydalanish ta’minlansa, shuningdek atrof tabiiy muhit va yer osti boyliklari ifloslanishining oldi olinsa;
foydali qazilmalarni kavlab olish chog‘ida holati o‘zgargan yerlar rekultivatsiya qilinsa;
qayta tiklanadigan foydali qazilmalardan tabiiy qayta tiklanishiga erishiladigan darajadagina foydalanilsa.
Keyingi tahrirga qarang.
19-modda. Suvlar va suv havzalaridan foydalanish shartlari
O‘zbekiston Respublikasi hududidagi yer usti, yer osti va dengiz suvlaridan zarur miqdordagi suvning tabiiy aylanishini saqlash, uning normativda ko‘rsatilgan darajada tozaligini ta’minlash, suv o‘simliklari va hayvonlarini asrash, suv havzalarining ifloslanishiga yo‘l qo‘ymaslik, ularda ekologiya muvozanatini saqlash va suv havzasiga landshaft elementi sifatida ziyon yetkazmaslik sharti bilan yo‘l qo‘yiladi.
Mahalliy hokimiyat idoralari, o‘rmon va suv xo‘jaligi idoralari daryo irmoqlari hosil bo‘ladigan joylarda, suv havzalari sohili mintaqalarida daraxtzorlarni tiklashlari va dov-daraxtni ko‘paytirishlari hamda ularning saqlanishini ta’minlashlari shart.