1-mavzu. “Moliyaviy muassasalar”

Keysning axborot manbalari:

1. 
   “Qurilishmontajservis” xususiy korxonasi Nizomi;
   
2. 
   Korxonaning 2013 va 2014 yillar uchun buxgalteriya balansi (1-sonli shakl);
   
3. 
   Korxonaning 2014 yildagi moliyaviy natijalari haqidagi hisoboti (2-sonli shakl);
   
4. 
   Korxonaning 2014 yildagi debitorlik va kreditorlik qarzdorliklari haqidagi ma’lumotnoma (2-a sonli shakl);
   
5. 
   Korxonaning 2014 yildagi pul oqimlari haqidagi hisoboti (4-sonli shakl);
   

Keys maydonli, spojetli kategoriyaga kiradi. Undagi vaziyat o’tgan yildan hisobot yiligacha bo’lgan muddat bo’yicha bayon qilingan.

Keys korxona moliyaviy hujjatlari axborotlari asosida qurilgan. U qisqa turkumlashtirilgan. Bu keys – vazifa.

Debitorlik va kreditorlik qarzlikni boshqarish bo’yicha ushbu keysning maqsadi korxonada debitorlik va kreditorlik qarzdorliklarini boshqarishning yangi moliyaviy strategiyalari va yo’llarini ishlab chiqish, hamda xo’jalik yurituvchi sub’ektning to’lov qobiliyatini barqarorlashtirishni rag’batlantirishdir. Shuning uchun mazkur keysda muammo ajratilgan va shakllantirilgan, vazifa va uning echimi algoritmi belgilangan.

Muammo: Faoliyat ko’rsata boshlagan kundan boshlab korxonada iste’molchilarga qurilish xizmatlarini ko’rsatish va kerakli qurilish materiallari va qismlarni harid qilish sohasidagi o’z faoliyatini moliyalashtirishga shaxsiy moliyaviy manbalar mavjud bo’lgan. Ammo hozirgi paytda to’lov qobiliyati bilan bog’liq muammolar vujudga kelgan, bu korxonaning asosiy xo’jalik faoliyatini rivojlantirish imkoniyatiga ta’sir ko’rsatadi.

Vazifa: “Qurilishmontajservis” xususiy korxonasi debitorlik va kreditorlik qarzdorligining holati va tuzilishini tahlil qilish asosida korxonaning bu qarzdorliklarini boshqarishning samaradorligini oshirish bo’yicha maqsadli tadbirlar tizimini ishlab chiqish va asoslash.