1-mavzu. “Moliyaviy muassasalar”

MOLIYAVIY REJALASHTIRISHGA ICHKI VA TASHQI MOLIYAVIY MUHIT TA’SIRINI BAHOLASH

KIRISH

Korxonalar faoliyatini moliyaviy rejalashtirish jarayonida moliyaviy reja muddati davomida ichki va tashqi muhitda yuzaga kelishi mumkin bo’lgan holatlarni o’rganib chiqish talab etiladi. Bunda bevosita istiqbolli moliyaviy tahlilga e’tibor qaratiladi. Istiqbolli moliyaviy tahlil istiqboldagi davrda korxonanai rivojlantirishning aniq xususiyatlari va mumkin bo’lgan yo’nalishlaridan kelib chiqqan holda korxona moliyaviy faoliyatini amalga oshirishning samaradorligiga ichki va tashqi omillar ta’sirini o’rganish jarayonini o’zida aks ettiradi.

Moliyaviy tahlilning yakuniy natijasi moliyaviy faoliyatning har bir strategik dominant sohalari kesimida moliyaviy rivojlanishning asoslarini va imkoniyatlarini ko’p tomonlama va kompleks tavsiflaydigan korxona strategik moliyaviy pozitsiyasi modeli hisoblanadi. Korxona moliyaviy faoliyati sohasida strategik maqsadlarining asosiy elementlarini ishlab chiqish strategik moliyaviy tahlil

natijalariga asoslanadi. Strategik moliyaviy tahlil istiqboldagi davrda korxonani rivojlantirishning aniq xususiyatlari va mumkin bo’lgan yo’nalishlaridan kelib chiqqan holda korxona moliyaviy faoliyatini amalga oshirishning samaradorligiga omillar ta’sirini o’rganish jarayonini o’zida aks ettiradi.